એવું કહેવામાં આવે છે કે માતા આખરે માતા હોય છે અને કોઈપણ બાળકને માતાના ખોળામાં શાંતિ મળે છે અને જો આ માતા નિર્દય બને છે તો તમે તેને શું કહેશો. આવો જ એક કિસ્સો બિહારના ગોપાલગંજ જિલ્લાના કટેયા પોલીસ સ્ટેશન વિસ્તારમાં પ્રકાશમાં આવ્યો છે, જ્યાં એક માતાએ તેની ચાર પુત્રીને એક પછી એક તળાવમાં ફેંકી દીધી હતી, જેમાં ત્રણ છોકરીઓના મોત નીપજ્યાં હતાં. ત્રણેય મૃતદેહોને પાણીની બહાર કાઢવામાં આવી છે. એક બાળકની હોસ્પિટલમાં સારવાર કરવામાં આવી રહી છે.
એક પોલીસ અધિકારીએ જણાવ્યું છે કે કૌલરાહી ગામમાં રહેતા અસલમ મિયાંની કે જે ગુજરાતમાં નોકરી કરે છે.પત્ની નૂર જહાંએ શુક્રવારે સાંજે કોઈક મુદ્દાને લઈને પતિ સાથે ફોન પર ઝઘડો કર્યો હતો. ઝઘડો થયા બાદ નૂરજહાં તેની ચાર પુત્રીને તેના મામાના ઘરે લઈ જવાના બહાને ઘર છોડીને ગઈ હતી અને ગૌરા ગામના એક તળાવ પાસે અટકી ગઈ હતી અને તેની ચાર પુત્રીને ફેંકી દેવાનું શરૂ કર્યું હતું.
પુત્રીઓનો અવાજ સાંભળીને ગામના લોકો એકઠા થયા અને તળાવમાં કૂદીને પુત્રીઓના જીવ બચાવવા પ્રયાસ કર્યા. સખત મહેનત બાદ ગામલોકોએ એક બાળકીને જીવંત બચાવી હતી, પરંતુ અન્ય ત્રણ લોકોનું મોત નીપજ્યું હતું.
કાત્યાના સ્ટેશન ઇન્ચાર્જ સુમનકુમાર મિશ્રાએ જણાવ્યું હતું કે, સ્થાનિક ગામલોકોની મદદથી ઘટનાની જાણ થતાં પોલીસ પહોંચી હતી, ત્રણેય પુત્રીઓના મૃતદેહને પાણીમાંથી બહાર કાઢ્યા હતા.
તેમણે જણાવ્યું હતું કે મૃતકોમાં ગુલાબાસા ખાતુંન , નૂરસાબા ખાતુન અને તૈયબા ખાતુનનો સમાવેશ થાય છે.
બચાવવામાં આવેલી પુત્રીને સારવાર માટે હોસ્પિટલમાં દાખલ કરવામાં આવી છે, જ્યાં તેણી જોખમી હોવાનું બહાર આવ્યું છે, એમ તેમણે જણાવ્યું હતું.
સ્ટેશન પ્રભારીએ જણાવ્યું હતું કે, આરોપી મહિલાને કસ્ટડીમાં લઈ પુછપરછ કરવામાં આવી રહી છે અને તમામ ખૂણાથી આ મામલાની તપાસ કરવામાં આવી રહી છે.
