મુંબઈની 50થી વધુ હોસ્પિટલોને બોમ્બની ધમકી મળી છે. મુંબઈની જસલોક હોસ્પિટલ, રાહેજા હોસ્પિટલ, સેવન હિલ હોસ્પિટલ, કોહિનૂર હોસ્પિટલ, KEM હોસ્પિટલ, જેજે હોસ્પિટલ, સેન્ટ જ્યોર્જિયા સહિતની ઘણી હોસ્પિટલોને આ ધમકી મળી છે.
આ ધમકી હોસ્પિટલોને ઈમેલ દ્વારા આપવામાં આવી છે. જે બાદ પોલીસે સક્રિય થઈને તેની તપાસ શરૂ કરી હતી. પોલીસ એ VPN ને શોધવાનો પ્રયાસ કરી રહી છે જેના દ્વારા મેલ મોકલવામાં આવ્યો હતો. આ ધમકી પાછળનો ઈરાદો હજુ સુધી જાણી શકાયો નથી.
મુંબઈ પોલીસે જણાવ્યું કે મુંબઈની હિન્દુજા કોલેજ ઓફ કોમર્સને ઈમેલ દ્વારા બોમ્બની ધમકી આપવામાં આવી છે. સ્થાનિક બોમ્બ સ્ક્વોડ ઘટના સ્થળે પહોંચીને તપાસ શરૂ કરી હતી. પરંતુ કંઈપણ શંકાસ્પદ મળ્યું નથી. મુંબઈના વીપી રોડ પોલીસ સ્ટેશન આ મામલે તપાસ કરી રહી છે. BMC હેડક્વાર્ટરને પણ ઈમેલ દ્વારા ધમકી મળી છે. મુંબઈ પોલીસે કહ્યું કે કોઈ અજાણ્યા વ્યક્તિએ BMC હેડક્વાર્ટરને બોમ્બથી ઉડાવી દેવાની ધમકી આપી છે. પોલીસે BMC હેડક્વાર્ટરની તપાસ કરી, પરંતુ અહીં કંઈપણ શંકાસ્પદ મળ્યું ન હતું. આ મામલે પણ તપાસ ચાલી રહી છે.
ણાવી દઈએ કે સોમવારે પણ મુંબઈના મીરા રોડ સ્થિત એક હોસ્પિટલને ઈમેલ દ્વારા ધમકી આપવામાં આવી હતી. ઈમેલમાં કહેવામાં આવ્યું હતું કે હોસ્પિટલ પર બોમ્બથી હુમલો કરવામાં આવશે. જે બાદ પોલીસે બેરિકેડ લગાવીને લોકોની અવરજવર અટકાવી દીધી હતી.
આ પણ વાંચો:સાવધાન! શિમલા જાઓ છો તો પોતાનું પાણી સાથે લઈ જાઓ, જાણો શા માટે
આ પણ વાંચો:જીમ ટ્રેનરનાં પ્રેમમાં પડી પત્ની, પતિને મારવા બનાવ્યા 2 પ્લાન, શૂટરોના બાળકોની ફી પણ ભરી….
આ પણ વાંચો:કોંગ્રેસ નેતા કિરણ ચૌધરી આજે ભાજપમાં જોડાઈ શકે છે, સમર્થકોને દિલ્હી પહોંચવા કહ્યું
