Aravalli News: અરવલ્લી જિલ્લાના ધનસુરા તાલુકામાં એક હ્ર્દયદ્રાવક ઘટના બની છે. JS મહેતા હાઈસ્કુલમાં ફરજ બજાવતા ધોરણ 11 અને 12ના શિક્ષક પંકજ ગુલાબજી સિમ્બલિયાએ આપઘાત કરી જીવન ટુકવ્યું હોવાની ઘટના સામે આવતા સમગ્ર વિસ્તારમાં શોક ફેલાઈ ગયો છે.

માહિતી મુજબ, પંકજ સિમ્બલિયાએ અગમ્ય કારણોસર ઝેરી દવાનું સેવન કર્યું હતું. પરિસ્થિતિ ગંભીર બનતાં તેને તાત્કાલિક ધનસુરાથી વાત્રક હોસ્પિટલ ખાતે ખસેડવામાં આવ્યો હતો. ત્યાં સારવાર દરમિયાન તેનું દુઃખદ અવસાન થયું હતું.

શિક્ષકનો પરિચય અને કારકિર્દી

પંકજ ગુલાબજી સિમ્બલિયા JS મહેતા હાઈસ્કુલમાં છેલ્લા ઘણા વર્ષોથી શિક્ષક તરીકે સેવા આપી રહ્યો હતો. ધોરણ 11 અને 12માં તેણે વિદ્યાર્થીઓને માર્ગદર્શન આપ્યું હતું અને શાળામાં તેના પ્રત્યે ખાસ માન-આદર હતો. તેના અચાનક મોતથી શાળા પરિવાર, વિદ્યાર્થીઓ અને સ્થાનિક સમાજ ગમગીન થઈ ગયો છે.

[fvplayer id=”139″]

મૃતદેહનું પોસ્ટમોર્ટમ

શિક્ષકનું મોત થતાં મૃતદેહને PM માટે ધનસુરા આરોગ્ય કેન્દ્ર ખાતે લવાયો છે. પોસ્ટમોર્ટમ રિપોર્ટના આધારે આપઘાતના કારણો અંગે વધુ સ્પષ્ટતા થશે. હાલ પોલીસે ઘટના અંગે તપાસ હાથ ધરી છે.

અગમ્ય કારણોસર આપઘાત

આપઘાતના ચોક્કસ કારણો હજુ બહાર આવ્યા નથી. પરિવારજનો અને નજીકના સહકર્મચારીઓએ જણાવ્યું કે પંકજ સિમ્બલિયા સહજ સ્વભાવના અને શાંત સ્વભાવના વ્યક્તિ હતા. કોઈ મોટી સમસ્યાનો બોજ તેમના પર હતો કે નહીં તે તપાસ પછી જ સામે આવશે.

વિદ્યાર્થીઓમાં શોક

જેઓએ તેમને માર્ગદર્શન મેળવ્યું હતું તેવા વિદ્યાર્થીઓ આ ઘટનાથી ખૂબ જ આઘાતમાં છે. ઘણા વિદ્યાર્થીઓએ સોશિયલ મીડિયા પર તેની યાદમાં સંવેદનાઓ વ્યક્ત કરી છે. “સાહેબ અમને હંમેશાં પ્રેરણા આપતા હતા, આજે તેમના વિના શાળા સૂની લાગી રહી છે,” એવો પ્રતિસાદ વિદ્યાર્થીઓએ આપ્યો.

[fvplayer id=”140″]

પોલીસ તપાસ ચાલુ

ધનસુરા પોલીસે આ મામલે સત્તાવાર રીતે તપાસ શરૂ કરી છે. ઝેરી દવાનું સેવન કરવા પાછળનું કારણ શું હતું તે જાણવા માટે પરિવારજનો, સહકર્મચારીઓ અને મિત્રોના નિવેદનો લેવામાં આવી રહ્યા છે. પોલીસે જણાવ્યું છે કે આપઘાત પાછળ વ્યક્તિગત કે વ્યાવસાયિક તણાવ હોઈ શકે છે, પરંતુ હજુ કોઈ નિશ્ચિત તારણ નથી.

સમાજમાં ચર્ચા

આ ઘટનાએ શિક્ષક વર્ગ અને સમાજમાં ચર્ચા જગાવી છે. તાજેતરના સમયમાં અનેક શિક્ષકો વ્યાવસાયિક દબાણ, વ્યક્તિગત તણાવ કે સામાજિક સમસ્યાઓને કારણે માનસિક રીતે પરેશાન થઈ રહ્યા હોવાના કિસ્સા સામે આવ્યા છે. આ ઘટના પણ એ જ દિશામાં ગંભીર ચેતવણી આપે છે કે માનસિક આરોગ્ય પર પૂરતું ધ્યાન આપવાની જરૂર છે.

આ પણ વાંચો: Aravalli News/અરવલ્લીમાં વીજ પુરવઠો ચાલુ કરવા લાંચ લેનારો UGVCLનો ઇલેક્ટ્રીક આસીસ્ટન્ટ ઝડપાયો

આ પણ વાંચો: Arvalli news/અરવલ્લી જિલ્લામાં એક જ પરિવારના 3 સભ્યોનો ભયાનક અકસ્માત, થયા કરૂણ મોત

આ પણ વાંચો: Aravalli News/નેપાળમાં ભાવનગરના 43 લોકો સહિત અરવલ્લીનો પરિવાર ફસાયો