IND vs NZ ODI Series: ભારત અને ન્યુઝીલેન્ડ (IND vs NZ) વચ્ચે રમાઈ રહેલી વનડે સીરીઝની વચ્ચે પૂર્વ ભારતીય ક્રિકેટર મોહમ્મદ કૈફે ટીમ સિલેક્શનને લઈને મોટો વિવાદ છેડ્યો છે. કૈફે અનુભવી ઓલરાઉન્ડર રવીન્દ્ર જાડેજાના ખરાબ ફોર્મ પર આંગળી ચીંધી છે અને અક્ષર પટેલને તેના કરતા શ્રેષ્ઠ વિકલ્પ ગણાવ્યો છે. કૈફના આ નિવેદન બાદ ક્રિકેટ ફેન્સ બે ભાગમાં વહેંચાઈ ગયા છે અને સોશિયલ મીડિયા પર જબરદસ્ત ચર્ચા શરૂ થઈ છે.
“વનડેમાં અક્ષર જાડેજા કરતા ઘણો આગળ” – કૈફ
પોતાની યુટ્યુબ ચેનલ પર વાત કરતા કૈફે કહ્યું કે, વ્હાઇટ બોલ ક્રિકેટમાં અક્ષર પટેલની સિક્સર મારવાની ક્ષમતા અને સ્ટ્રાઈક રેટ જાડેજા કરતા ઘણી સારી છે. તેણે સવાલ ઉઠાવ્યો કે ઓક્ટોબર 2025 પછી અક્ષર વનડે ટીમમાંથી કેમ ગાયબ છે? કૈફના મતે, જાડેજા સતત ફ્લોપ હોવા છતાં તેને ટીમમાં રાખવામાં આવે છે, જ્યારે અક્ષરને નજરઅંદાજ કરવામાં આવી રહ્યો છે.
નીતીશ રેડ્ડીના સિલેક્શન પર પણ સવાલ
કૈફે તીખો કટાક્ષ કરતા કહ્યું કે, “ન્યુઝીલેન્ડના બેટ્સમેનો સ્પિન સામે નબળા છે, તેમ છતાં તમે અક્ષર પટેલ જેવા સ્પિનરને બહાર રાખીને નીતીશ રેડ્ડી જેવા ચોથા ફાસ્ટ બોલરને કેમ રમાડી રહ્યા છો?” તેણે સૂચન આપ્યું હતું કે જો ટીમમાં જાડેજા અને અક્ષર બંને સાથે રમે તો ટીમનું બેલેન્સ વધુ મજબૂત બની શકે છે.
IND vs NZ શ્રેણીમાં જાડેજા અને અક્ષરના આંકડાઓની સરખામણી
કૈફના દાવાને આંકડાઓ પણ મજબૂતી આપી રહ્યા છે:
ભવિષ્યનો પડકાર
આ આંકડા દર્શાવે છે કે કૈફના દાવાને મજબૂતી આપે છે. 2027 ના વનડે વર્લ્ડ કપ પહેલા ભારત પાસે હવે ગણતરીની તકો છે. આવી સ્થિતિમાં જાડેજાએ પોતાની જગ્યા સાબિત કરવી પડશે, જ્યારે અક્ષરની ફિટનેસ અને ઉપલબ્ધતા પસંદગીકારો માટે મહત્વની રહેશે
