ચૂંટણી પંચ રવિવારે એટલે કે આજે સાંજે 5 વાગ્યે લોકસભા અને વિધાનસભાની ચૂંટણીની જાહેરાત કરી શકે છે. દિલ્હીમાં વિજ્ઞાન ભવનમાં મુખ્ય ચૂંટણી કમિશનર સુનિલ અરોરા પ્રેસ કોન્ફરન્સ કરશે. માનવામાં આવી રહ્યું છે કે લોકસભાની ચૂંટણી 7-8 તબક્કામાં થઈ શકે છે. તેની સાથે, આંધ્ર પ્રદેશ, સિક્કીમ, ઓડિશા અને અરુણાચલ પ્રદેશમાં વિધાનસભાની ચૂંટણીની જાહેરાત શક્ય છે. જો કે, જમ્મુ-કાશ્મીરને લઈને સ્થિતિ સ્પષ્ટ નથી.
ટીવી નેટવર્કના સૂત્રો તરફથી પ્રાપ્ત માહિતી મુજબ, ચૂંટણી 7 થી 8 તબક્કામાં પૂર્ણ થઇ શકે છે અને આગાઉની જેમ પ્રથમ તબક્કામાં ચૂંટણી 10 એપ્રિલે હોઈ શકે છે. અગાઉની જેમ જ આ વખતે પણ 16 મે ના રોજ વોટ ગણતરી થઇ શકે છે. સૌથી વધુ 80 સીટો વાળા ઉત્તર પ્રદેશમાં 7-8 તબક્કા, બિહાર અને પશ્વિમ બંગાળમાં 5-6 તબક્કામાં ચુંટણી થઇ શકે છે.
ઉત્તરપૂર્વીય રાજ્યો સહિતના નાના રાજ્યોમાં ચૂંટણીઓ એક તબક્કામાં થઈ શકે છે. આ ઉપરાંત, છત્તીસગઢ, ઝારખંડ જેવા નક્સલ-પ્રભાવિત રાજ્યોમાં ચૂંટણીઓ 3-4 તબક્કામાં યોજવામાં આવી શકે છે.
જમ્મુ-કાશ્મીરને લઈને સંશય બરકરાર
પ્રેસ કોન્ફરન્સમાં જમ્મુ-કાશ્મીરની વિધાનસભા ચૂંટણીઓની તારીખોની જાહેરાત શક્ય છે, પરંતુ છેલ્લા તબક્કામાં ચૂંટણીઓ પછી અથવા બાકીના રાજ્યો ચૂંટણીઓ પૂર્ણ થયા પછી જમ્મુ-કાશ્મીરમાં ચુંટણી કરવામાં આવી શકે છે. ઘાટીમાં સુરક્ષા દળો ચૂંટણી માટે સંપૂર્ણ તૈયાર છે, પરંતુ અંતિમ નિર્ણય ચૂંટણી પંચ દ્વારા લેવામાં આવશે. એવી શક્યતા છે કે જમ્મુ પ્રદેશ અને કાશ્મીરમાં ચૂંટણીઓ વિવિધ તબક્કામાં થઈ શકે છે. જમ્મુમાં પહેલી ચૂંટણીઓ, એક કે બે અઠવાડિયા પછી, કાશ્મીરમાં ચૂંટણી યોજાઈ શકે છે.
ચૂંટણી કમિશનનું ફોક્સ લોકસભા ચૂંટણી પર
સૂત્રોના જણાવ્યા પ્રમાણે, ચૂંટણી પંચ જમ્મુ-કાશ્મીરમાં વિધાનસભાની ચૂંટણી યોજવા માટે તૈયાર છે, પરંતુ તેઓ માને છે કે પ્રથમ લોકસભા ચૂંટણી પર ધ્યાન કેન્દ્રિત કરવામાં આવે. સૌ પ્રથમ, જમ્મુ-કાશ્મીરમાં લોકસભાની ચૂંટણી યોજાશે. જમ્મુ-કાશ્મીરમાં વિધાનસભાની ચૂંટણીઓ જૂન અથવા જુલાઈ મહિનામાં થઈ શકે છે. ત્યાં સુધી, LoC ની સાથે ગામડાઓમાં સ્થિતિ સામાન્ય થઇ જશે.
