બેંગલુરુમાં રમાયેલી બીજી ટેસ્ટ મેચમાં ભારતે શ્રીલંકાને 238 રનથી હરાવી બે મેચની શ્રેણીમાં ક્લીન સ્વીપ કર્યું હતું. શ્રીલંકાને 447 રનનો ટાર્ગેટ મળ્યો હતો. જવાબમાં મુલાકાતી ટીમ 208 રનમાં સમેટાઈ ગઈ હતી. ભારત તરફથી આર અશ્વિને 4 અને જસપ્રિત બુમરાહે 3 વિકેટ લીધી હતી. અક્ષર પટેલને 2 જ્યારે રવિન્દ્ર જાડેજાને 1 વિકેટ મળી હતી. આ મેચમાં બુમરાહે 8 વિકેટ લીધી હતી. રિષભ પંતને મેન ઓફ ધ સિરીઝ જાહેર કરવામાં આવ્યો હતો.
શ્રીલંકા તરફથી બીજી ઈનિંગમાં કેપ્ટન દિમુથ કરુણારત્ને (107) સૌથી વધુ સ્કોરર રહ્યો હતો. 7 બેટર બે આંકડામાં પણ ન જઈ શક્યા. બંને ઇનિંગ્સમાં ફિફ્ટી ફટકારનાર શ્રેયસ અય્યરને ‘પ્લેયર ઑફ ધ મેચ’ અને સિરીઝમાં 185 રન બનાવનાર રિષભ પંતને ‘પ્લેયર ઑફ ધ સિરીઝ’નો એવોર્ડ મળ્યો હતો
ઘરેલું મેદાન પર ભારતીય ટીમની આ સતત 15મી ટેસ્ટ શ્રેણી જીત છે. ભારત છેલ્લી વખત 2012માં ઘરઆંગણે શ્રેણી હારી ગયું હતું. પછી તેને ઈંગ્લેન્ડે હટાવી દીધો. તે સમયે મહેન્દ્ર સિંહ ધોની કેપ્ટન હતો. ત્યારપછી ભારતીય ટીમ ઘરઆંગણે એકપણ ટેસ્ટ શ્રેણી હારી નથી. અત્યાર સુધી કોઈપણ ટીમ પોતાના ઘરેલું મેદાન પર આટલી શ્રેણી જીતી શકી નથી.
ભારતે શ્રીલંકા સામેની ટેસ્ટ શ્રેણીમાં ત્રીજી વખત ક્લીન સ્વીપ કર્યું છે. અગાઉ 1993/94 અને 2017માં ભારતે શ્રીલંકાને 3 મેચની ટેસ્ટ શ્રેણીમાં 3-0થી હરાવ્યું હતું.
