દિલ્હી,
અત્યંત ભયંકર ચક્રવાતી વાવઝોડુ ફાનીના કારણે 10 ટ્રેનો રદ કરવામાં આવી છે. અત્યાર સુધી 150થી વધુ ટ્રેનને રદ કરી દીધી છે. આજે એટલે કે શુક્રવારે દિલ્હીથી ઓરિસ્સા અને પશ્ચિમ બંગાળ તરફ જતી અનેક ટ્રેનોને રદ કરવામાં આવી છે.
દિલ્હીનાં આનંદ વિહારથી પૂરી જતી નીલાંચલ એક્સપ્રેસ આજે નહીં જશે. ઉપરાંત દિલ્હીથી ભુવનેશ્વર જનારી રાજધાની એક્સપ્રેસ અને સમ્પર્ક ક્રાંતિ એક્સપ્રેસ પણ રદ કરવામાં આવી છે. વિશાપત્તનમ જતી સમતા એક્સપ્રેસ પણ આજે નહીં જશે.
વાવઝોડુની ગંભીરતાને ધ્યાનમાં રાખીને રેલ્વે અત્યાર સુધી 150 થી વધુ ટ્રેનો રદ કરી દીધી છે. ભદરકથી વિજિયા નગરમ વચ્ચે ટ્રેનની સેવા 2 મે સાંજથી જ બંધ થઇ ગઈ હતી. ઉપરાંત પુરીથી બે સ્પેશલ ટ્રેન પણ ચલાવામાં આવી રહી છે.
ઇસ્ટ કોસ્ટ રેલ્વેએ મુસાફરોને સલાહ આપી છે કે તેઓ આ પ્રમાણે મુસાફરીની તૈયારી કરે. તેની સાથે ભૂવનેશ્વર અને પુરીની તરફ જતી ગાડીઓ પણ 2 મે ના સાંજથી રદ રહેશે. ટ્રેન રદ કરવાના નિર્ણય પછી ઇસ્ટ કોસ્ટ એક્સપ્રેસ, કોરોમંડલ એક્સપ્રેસ 2 મે થી હાવડા થી નહીં ચાલશે. ત્યાંથી પુરી થી હાવડા સુધી જવાની ગાડી 2 મે ના રાત્રે રદ થઇ હતી.
