ભારત અને જાપાન વચ્ચે 2 + 2 ની વાટાઘાટનાં ભાગ રૂપે જાપાનનાં વિદેશ બાબતોનાં મંત્રી તોશિમિત્સુ મોતેગી અને જાપાનનાં સંરક્ષણ મંત્રી તારો કોનો શનિવારે વડા પ્રધાન નરેન્દ્ર મોદીને મળ્યા હતા. આ બેઠક પછી, પીએમ મોદીએ કહ્યું કે ભારત-જાપાન સંબંધો હિંદ મહાસાગરમાં શાંતિ, સમૃદ્ધિ અને સ્થિરતાની મુખ્ય ચાવી છે. પીએમ મોદીએ કહ્યું કે તેઓ અને જાપાનનાં વડા પ્રધાન શિંઝો આબે બંને દેશો વચ્ચે દ્વિપક્ષીય ભાગીદારીને ખૂબ મહત્વ આપે છે. નવા ‘ટૂ-પ્લસ-ટૂ’ માળખા હેઠળ ભારત અને જાપાનનાં સંરક્ષણ અને વિદેશ મંત્રીઓ વચ્ચેની વાટાઘાટ ગત વર્ષ 13 મી ભારત-જાપાન વાર્ષિક સમિટ દરમિયાન મોદી અને આબે દ્વારા લેવામાં આવેલા નિર્ણય પછી યોજાઇ રહી છે.
ભારત અને જાપાન 2 + 2 વિદેશી અને સંરક્ષણ મંત્રીઓની બેઠક બાદ જારી કરેલા સંયુક્ત નિવેદન અનુસાર, “મંત્રીઓએ આતંકવાદ અને હિંસક ઉગ્રવાદ સામે મજબૂત આંતરરાષ્ટ્રીય ભાગીદારીની જરૂરિયાત પર ભાર મૂક્યો”. વિદેશ મંત્રાલયે પાકિસ્તાન સ્થિત આતંકવાદી મથકોમાં પ્રાદેશિક શાંતિથી ઉભા થતાં ખતરા અંગે ચિંતા વ્યક્ત કરી હતી. બંને દેશોએ પાકિસ્તાનને સીધુ કહ્યુ કે, તેઓ પોતાના આતંકવાદી નેટવર્ક પર ‘નક્કર અને નિર્ણાયક’ કાર્યવાહી કરે.
વિદેશ મંત્રાલયે શુક્રવારે કહ્યું કે, બંને દેશોએ પાકિસ્તાન સરકારને આંતરરાષ્ટ્રીય સમુદાયને આપેલા વચનોને પૂર્ણ કરવા જણાવ્યું હતું, ખાસ કરીને આતંકવાદ વિરોધી સંગઠન ફાઇનાન્સિયલ એક્શન ટાસ્ક ફોર્સ (એફએટીએફ) ની સૂચિત કાર્યવાહીનો પણ સમાવેશ થાય છે.
ભારત અને જાપાન વચ્ચેનાં સંયુક્ત નિવેદનમાં કહેવામાં આવ્યું કે, મંત્રીઓએ ભારપૂર્વક જણાવ્યું હતું કે તમામ દેશોએ ખાતરી કરવી જ જોઇએ કે તેઓ તેમની જમીનનો ઉપયોગ કોઈપણ અન્ય દેશ પરના આતંકવાદી હુમલાનાં કોઈપણ પ્રકાર માટે ન થવા દે. તેઓએ આતંકવાદીઓને સલામત આશ્રય વિકસિત ન થવા દેવી જોઈએ. બંને દેશોએ આંતરરાષ્ટ્રીય સમુદાયને આતંકવાદીઓનાં માળખાકીય સુવિધાઓ, તેમના નેટવર્ક, તેમની ભંડોળની ચેનલો તોડી નાખવા તેમજ આતંકવાદીઓની સીમા પારની પ્રવૃત્તિઓને રોકવા હાકલ કરી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
