કોંગ્રેસ અધ્યક્ષ રાહુલ ગાંધીની બે નાગરિકતા કેસ સુપ્રીમ કોર્ટમાં પહોંચી ગયો છે. યુનાઈટેડ હિંદુ મોરચા અને હિન્દુ મહાસભાની તરફથી દાખલ કરવામાં આવેલ અરજી પર સુપ્રીમ કોર્ટ આવતા સપ્તાહે સુનાવણી કરી શકે છે. યુનાઈટેડ હિન્દુ મોરચાના જય ભગવાન ગોયલ અને હિન્દુ મહાસભાના ચંદ્રપ્રકાશ કૌશિક દ્વારા દાખલ કરવામાં આવેલી આ અરજીમાં કહેવામાં આવ્યું છે કે ગૃહ મંત્રાલય આ અંગે પ્રાપ્ત ફરિયાદ પર તાત્કાલિક પગલાં લેશે. આ અરજીમાં, રાહુલ ગાંધીને ચૂંટણી લડવામાં અયોગ્ય ઠેરવવામાં આવે તેવી પણ માંગ કરવામાં આવી છે.
જણાવીએ કે અરજદારે રાહુલ ગાંધનું નામ મતદાર સૂચિમાંથી દૂર કરવાની અપીલ કરી છે.
આપને જણાવીએ કે ભાજપના નેતા અને રાજ્યસભાના સાંસદ સુબ્રમણ્યમ સ્વામીની ફરિયાદ પર કેન્દ્રિય ગૃહ મંત્રાલયે રાહુલ ગાંધીને નોટિસ આપી છે અને 15 દિવસમાં જવાબ આપવા જણાવ્યું છે. ડૉ. સ્વામીએ ફરિયાદ પત્રમાં એવો આરોપ મૂક્યો છે કે બ્રિટીશ નાગરિક હોવાને કારણે રાહુલ ગાંધી સામે કાર્યવાહી થવી જોઈએ.
રાહુલ ગાંધીએ તેમના સહયોગી સાથે બેકઓપ્સ લિમિટેડ નામની કંપની વર્ષ 2003 માં બ્રિટેનમાં રજિસ્ટ્રેશન કરવી હતી. દસ્તાવેજોમાં રાહુલ ગાંધીને કંપનીના ડિરેક્ટર અને સેક્રેટરી બતાવવાની સાથે જન્મ તારીખ પણ નોંધવામાં આવી હતી. આ કંપની દ્વારા બ્રિટેનમાં દાખલ વાર્ષિક ફાઇલિંગમાં રાહુલ ગાંધીને બ્રિટીશ નાગરિક બનાવામાં આવ્યા હતાં. રાહુલ ગાંધીએ 2009 માં આ કંપની બંધ કરી લીધી હતી.
