Pet Dog Controversy:જજનો શ્વાન ગુમ થઈ ગયો હતો અને પોલીસે લેખિત ફરિયાદ પર કાર્યવાહી કરીને જજના પાડોશી ડમ્પી સહિત 14 લોકો વિરુદ્ધ FIR નોંધી છે. જજે પોતાની ફરિયાદમાં આરોપ લગાવ્યો છે કે આરોપીએ તેની પત્નીને ધમકી આપી. બંને દીકરીઓ સાથે ગેરવર્તન કર્યું.
તેઓ એટલા ડરેલા હતા કે તેઓ આઘાતમાં હતા. મામલાને ગંભીરતાથી લઈને પોલીસે આરોપીઓ સામે ધાકધમકી, દાદાગીરી અને ગેરવર્તનના આરોપસર કેસ નોંધ્યો હતો. શ્વાનને શોધવા માટે સર્ચ ઓપરેશન હાથ ધરવામાં આવ્યું છે. આરોપી પર મહિલાઓ અને છોકરીઓ સાથે દુર્વ્યવહાર અને ધક્કો મારવાનો પણ આરોપ છે.
મીડિયા રિપોર્ટ્સ અનુસાર આ ઘટના 16 મેના રોજ બની હતી. જજની પત્ની અને બે પુત્રીઓ ઇજ્જતનગર વિસ્તારમાં રહે છે. જજ લખનઉમાં પોસ્ટેડ છે તો તે આ જ ક્વાર્ટરમાં રહે છે. એવો આરોપ છે કે તેનો પાડોશી ડમ્પી અચાનક ઘરે પહોંચી ગયો અને પાળેલા શ્વાનને પકડવાનો પ્રયાસ કરવા લાગ્યો. જજની પત્નીએ વિરોધ કર્યો તો તેને અપશબ્દો બોલવાનું શરૂ કરી દીધું.
તેણે કહ્યું કે તેની પત્નીને શ્વાન કરડ્યો છે, તેથી તે તેને પાઠ ભણાવશે. હંગામો જોઈને જજની બે દીકરીઓ પણ આવી અને શ્વાનને લઈ જવાનો વિરોધ કરવા લાગી, પરંતુ ડમ્પીએ તેમને પણ ધક્કો માર્યો. ડમ્પીએ જજની પત્ની અને બે પુત્રીઓને ધમકી આપી હતી કે જો તેઓ તેને રોકશે તો તેમને પણ ખરાબ પરિણામ ભોગવવા પડશે.
મીડિયા રિપોર્ટ્સ અનુસાર, જ્યારે જજની પત્નીએ પોલીસને બોલાવવાનું કહ્યું તો ડમ્પીએ તેના સહયોગીઓને બોલાવ્યા. બધાએ બળપૂર્વક શ્વાનને ઉપાડી લીધો. તમામ આરોપીઓ શ્વાન સાથે ફરાર થઈ ગયા છે. જ્યારે જજને વિવાદની જાણ થઈ ત્યારે તેણે ડમ્પીને ફોન કર્યો, પરંતુ તેણે ફોન ઉપાડ્યો નહીં. જજે કહ્યું, મેં તેની સાથે વોટ્સએપ પર વાત કરી તો તેણે મને અપશબ્દો અને ધમકીઓ આપવાનું શરૂ કર્યું.
ન્યાયાધીશે આરોપ લગાવ્યો કે તેને શંકા છે કે ડમ્પીએ તેના શ્વાનને મારી નાખ્યો છે. ઈજ્જતનગર પોલીસ સ્ટેશનના ઈન્ચાર્જ ઈન્સ્પેક્ટર જયશંકર સિંહે જણાવ્યું કે આ શંકાના આધારે ઈજ્જતનગર પોલીસ સ્ટેશને ડમ્પી અહેમદ સહિત 14 અજાણ્યા લોકો વિરુદ્ધ ક્રૂર્ટી ટુ એનિમલ્સ એક્ટની વિવિધ કલમો હેઠળ કેસ નોંધ્યો છે. જો શ્વાન નહીં મળે તો કડક કાર્યવાહી કરવામાં આવશે.
આ પણ વાંચો:ગૃહપ્રધાન અમિતશાહ ઉત્તરપ્રદેશમાં અને યોગી આદિત્યનાથ ઓડિશા અને બિહારમાં ચૂંટણી પ્રવાસ પર
આ પણ વાંચો:સાંસદ જયંત સિન્હાએ ભાજપની નોટિસનો 2 દિવસમાં આપ્યો જવાબ, ‘પોસ્ટલ બેલેટથી આપ્યો મત’
આ પણ વાંચો:અનંતનાગ-રાજૌરીમાં કડક સુરક્ષા વ્યવસ્થા વચ્ચે 25 મેના રોજ થશે મતદાન, આજથી ચૂંટણી પ્રચાર સમાપ્ત
આ પણ વાંચો:દિલ્હીમાં ચૂંટણી પ્રચારનો આજે અંતિમ દિવસ, તમામ પક્ષો પ્રચારમાં લગાવશે જોર
