Breaking news: પાકિસ્તાન સાથે ચાલી રહેલા તણાવ વચ્ચે, ભારતને વધુ એક મોટી સફળતા મળી છે. ભારતના દબાણ હેઠળ, પાકિસ્તાને BSF જવાન પૂર્ણમ કુમાર સાહુને ધરપકડમાંથી મુક્ત કર્યા છે. તમને જણાવી દઈએ કે 20 દિવસ પહેલા પૂર્ણમ કુમાર સાહુને પાકિસ્તાની રેન્જર્સે કસ્ટડીમાં લીધા હતા.
BSF જવાન પૂર્ણમ કુમાર સાહુ 23 એપ્રિલ, 2025 થી પાકિસ્તાન રેન્જર્સની કસ્ટડીમાં હતા. આજે, બુધવારે, તેમને સવારે લગભગ 10.30 વાગ્યે અમૃતસરની જોઈન્ટ ચેક પોસ્ટ અટારી દ્વારા ભારતને સોંપવામાં આવ્યા. આ ટ્રાન્સફર શાંતિપૂર્ણ રીતે અને સ્થાપિત પ્રોટોકોલ મુજબ કરવામાં આવ્યું હતું.
શું છે આખો મામલો?
વાસ્તવમાં, બીએસએફ કોન્સ્ટેબલ પૂર્ણમ કુમાર સાહુ પંજાબના ફિરોઝપુર સેક્ટરમાં પોસ્ટેડ હતા. ૨૩ એપ્રિલના રોજ, ભારત અને પાકિસ્તાન વચ્ચે વધતા લશ્કરી તણાવના શરૂઆતના દિવસોમાં, પૂર્ણમે ભૂલથી આંતરરાષ્ટ્રીય સરહદ પાર કરી દીધી. આ પછી, તેને પાકિસ્તાની રેન્જર્સે કસ્ટડીમાં લઈ લીધો.
આ પણ વાંચો:પાક. પર એર સ્ટ્રાઈકના લીધે રાજકોટ, જામનગર, ભૂજ જતી ફ્લાઈટ્સ રદ
આ પણ વાંચો:આ મુસ્લિમ દેશ ટ્રમ્પને ₹3400 કરોડની સૌથી મોંઘી ભેટ આપશે, જાણો શું છે સમગ્ર મામલો?
