અનુભવી ભારતીય ટેનિસ ખેલાડી રોહન બોપન્નાએ આજે જીત સાથે તેની 21 વર્ષની ડેવિસ કપની કારકિર્દીને વિદાય આપી. રોહને ડેવિસ કપની આ મેચમાં મોરોક્કો સામેની મેન્સ ડબલ્સ મેચમાં યુકી ભામ્બરીને સીધા સેટમાં હરાવીને જીત મેળવી હતી અને ડેવિસ કપમાં તેની કારકિર્દીમાંથી નિવૃત્તિ પણ લીધી હતી.રોહન બોપન્નાએ ડેવિસ કપમાં પોતાની કારકિર્દીમાં કુલ 23 મેચ રમી હતી. આ સમયગાળા દરમિયાન 43 વર્ષીય બોપન્નાએ 13 ડબલ્સ મેચ સહિત 23 મેચ જીતી હતી. મોરોક્કો સામેની આ મેચમાં બોપન્નાએ યુકી ભામ્બરીની સાથે મળીને 6-2 અને 6-1થી જીત મેળવી હતી.
ડેવિડ કપની આ મેચ દરમિયાન ભારતીય પુરુષ જોડીનું શાનદાર પ્રદર્શન જોવા મળ્યું હતું. આ મેચમાં મોરક્કોની ટીમ એક વખત પણ પોતાની સર્વિસ બચાવવામાં સફળ રહી શકી ન હતી. જીત બાદ ભાવુક બોપન્નાએ હાથમાં ત્રિરંગો પકડીને પોતાની ખુશી વ્યક્ત કરી હતી. આ દરમિયાન સ્ટેડિયમમાં ઘણા દર્શકો પણ હાજર હતા.
રોહન બોપન્નાની છેલ્લી ડેવિસ કપ મેચ જોવા માટે તેના પરિવારના સભ્યો અને મિત્રો મોટી સંખ્યામાં સ્ટેડિયમ પહોંચ્યા હતા. આ સમય દરમિયાન, દરેક વ્યક્તિએ એક જ ટી-શર્ટ પહેરી હતી જેમાં બોપન્નાના તિરંગો લહેરાવતો પ્રિન્ટેડ ફોટો હતો.બોપન્નાએ આ મેચ બાદ કહ્યું કે આજે મને એવું લાગે છે કે આ ઘર છે કારણ કે અહીં બધા મને સપોર્ટ કરી રહ્યા છે. મારા પરિવાર, મિત્રો અને ચાહકોએ પણ મને પ્રોત્સાહિત કર્યો. આ મારા માટે ભાવનાત્મક ક્ષણ છે અને હું આ દિવસ મારા જીવનમાં ક્યારેય નહીં ભૂલી શકું.
