Indigo Flight Viral Video: ફ્લાઇટ ઉડાન ભરતા પહેલા ફ્લાઇટ એટેન્ડન્ટ અથવા પાયલોટ દ્વારા એક જાહેરાત કરવામાં આવે છે. ઘણી વખત આ જાહેરાત ખૂબ જ ખાસ હોય છે અને તેના વીડિયો સોશિયલ મીડિયા પર વાયરલ થાય છે. પાયલોટની જાહેરાતનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે પોતાના પરિવારના સભ્યોનું સ્વાગત કરતો જોવા મળી રહ્યો છે. જાહેરાત સાંભળીને માતા-પિતાની આંખમાં આંસુ આવી ગયા અને મુસાફરો તાળીઓ પાડતા રહ્યા.
ઈન્ડિગો ફ્લાઈટના કેપ્ટનનો વાયરલ થયો વીડિયો
ઈન્ડિગો ફ્લાઈટના પાયલોટે આ વીડિયો શેર કર્યો છે. ફ્લાઈટ ચેન્નાઈથી કોઈમ્બતુર જઈ રહી હતી ત્યારે કેપ્ટન પ્રદીપ કૃષ્ણન તેની માતા અને દાદા-દાદીનું સ્વાગત માટે જાહેરાત કરવા આવ્યા હતા. ટેક ઓફ કરતા પહેલા કેપ્ટન પ્રદીપ કૃષ્ણને તમામ મુસાફરોનું સ્વાગત કર્યું અને આ ફ્લાઈટમાં બેઠેલા ખાસ લોકો વિશે માહિતી આપી.
તેમણે કહ્યું કે મને એ જાહેરાત કરતાં ખૂબ જ આનંદ થાય છે કે આજે મારો પરિવાર મારી સાથે પ્રવાસ કરી રહ્યો છે. દાદા દાદી અને અમ્મા 29મી હરોળમાં બેઠા હતા. દાદા મારી સાથે પહેલીવાર ઉડાન ભરી રહ્યા છે. આ પછી તમામ મુસાફરોએ તાળીઓ પાડી હતી. કેપ્ટનના દાદા અને માતા ભાવુક થઈ ગયા. તેની આંખોમાં આંસુ આવી ગયા. તેમણે ઉભા થયા, હાથ જોડીને લોકોનું અભિવાદન સ્વીકાર્યું.
View this post on Instagram
હવે આ વીડિયો સોશિયલ મીડિયા પર વાયરલ થઈ રહ્યો છે, જેને જોઈને લોકો તેને ક્યૂટ અને ફની વીડિયો કહી રહ્યા છે. એકે લખ્યું કે દેખીતી રીતે તમારા પરિવારના સભ્યોને તમારા પર ખૂબ ગર્વ. બીજાએ લખ્યું કે તે તેના માટે ગર્વની ક્ષણ હતી તેથી તેની આંખોમાં આંસુ આવવું સ્વાભાવિક હતું. બીજાએ લખ્યું કે તમે પણ ગર્વ અનુભવી રહ્યા છો અને તમારા પરિવારના સભ્યો પણ. ખરેખર ખુબ જ ક્યૂટ વીડિયો છે.
આ પણ વાંચો: કોસ્ટ ગાર્ડે આંતરરાષ્ટ્રીય દરિયાઈ સીમા રેખા પર 27 બાંગ્લાદેશી માછીમારોને બચાવ્યા
આ પણ વાંચોઃ કેનેડીયન ચૂંટણીમાં હસ્તક્ષેપના દાવાને ભારતે ફગાવ્યો, MEA પ્રવક્તાએ કહ્યું ‘હકીકત આનાથી વિપરીત છે’
આ પણ વાંચોઃ અંગ દઝાડતી ગરમી વચ્ચે કેવું રહેશે ચોમાસું…
આ પણ વાંચોઃ દિલ્હીમાં બાળ તસ્કરી કેસમાં CBIના દરોડા, હોસ્પિટલમાંથી બાળકો ગુમ થવાની ઘટનાઓ વધતા
