Morbi News: ગંભીરા પુલ દુર્ઘટના બાદ તંત્ર સફાળું જાગ્યું છે. રાજ્યના તમામ પુલોનું નિરીક્ષણ અને સમારકામનું કામ ચાલી રહ્યું છે. આ દરમિયાન, માર્ગ અને મકાન બાંધકામ વિભાગે મોરબી જિલ્લામાં 76 પુલોનું નિરીક્ષણ કર્યું છે, જ્યારે મોરબી જિલ્લામાં 3 પુલો પર ભારે વાહનોના પ્રવેશ પર પ્રતિબંધ મૂકવામાં આવ્યો છે.
મોરબી માર્ગ અને મકાન (પંચાયત) વિભાગની ટીમે જિલ્લાભરમાં તેમના વિભાગ હેઠળના પુલોનું નિરીક્ષણ કર્યું હતું, જેમાં 11 મોટા અને 65 નાના, કુલ 76 પુલોનું નિરીક્ષણ કરવામાં આવ્યું હતું. આ દરમિયાન હળવદ તાલુકાના હરિપર-કોઇબા વચ્ચેનો પુલ ખતરનાક જણાયો હતો. આ પુલને નવા પુલ તરીકે મંજૂરી આપવામાં આવી છે. જે 3 કરોડ રૂપિયાના ખર્ચે બનાવવામાં આવશે. હાલમાં, આ પુલ પર ભારે વાહનોના પ્રવેશ પર પ્રતિબંધ મૂકવા માટે જાહેરનામું પ્રકાશિત કરવાની પ્રક્રિયા ચાલી રહી છે.
મોરબીમાં વાંકાનેર કુવાડવા નજીક બ્રાહ્મણી નદી પરનો પુલ, હળવદમાં ટીકર પરનો પુલ અને માળિયા-પીપળીયા હાઇવે પર માળિયા નજીક મચ્છુ નદી પરનો પુલ જોખમી છે, તેથી ભારે વાહનોના પ્રવેશ પર પ્રતિબંધ મૂકવામાં આવ્યો છે, જેના કારણે વાહનચાલકોને લગભગ 50 કિમી સુધી અન્ય માર્ગે તેમના વાહનો લઈ જવાની ફરજ પડી છે.
આ પણ વાંચો:ગંભીરા બ્રિજ દુર્ઘટના બાદ પણ તંત્ર હજુ પણ નથી ગંભીર, બ્રિજ પર દિવાલ ચણાવી દીધી
