ફ્લોરિડામાં એક પ્લેન ક્રેશ થવાની વિચિત્ર ઘટના સામે આવી છે. અહીં એક પ્લેન વિચિત્ર રીતે ઉડી રહ્યુ હતું અને જોતજોતામાં તે ઝાડ સાથે ટકરાયું અને રોડ પર ક્રેશ થઈ ગયું. આ ઘટનાને જોનારા સ્તબ્ધ થઈ ગયા હતા. ફ્લોરિડાના પિનલાસ કાઉન્ટી વિસ્તારના બે પોલીસ અધિકારી ડ્યુટી પર હતા, ત્યારે તેમણે આ ઘટના જોઈ હતી.
પ્લેનમાં પાયલટ અને એક પેસેન્જર, એમ બે જ લોકો સવાર હતા. તેમણે સિંગલ એન્જિન રોકવેલ ઈન્ટરનેશનલ એરક્રાફ્ટમાં 80 કિલોમીટરનું અંતર કાપ્યું અને એક મ્યૂનિસિપલ એરપોર્ટ પર ફ્યુલ માટે ઉતર્યા. જ્યારે તે પાછા જઈ રહ્યા હતા ત્યારે, હાઈવે પર આ દુર્ઘટના થઈ.