Maharashtra News: IPL ટૂર્નામેન્ટ અત્યારે પૂરજોશમાં ચાલી રહી છે. દરમિયાન મહારાષ્ટ્રના કોલ્હાપુરમાં નજીવા કારણસર એક ક્રિકેટ પ્રેમીએ જીવ ગુમાવ્યો હતો. મૃતક 63 વર્ષીય બંડોપંત બાપુસો ટિબિલે કોલ્હાપુર શહેરની નજીક હનમંતવાડી ગ્રામીણ વિસ્તારના રહેવાસી હતા. બે દિવસ પહેલા મુંબઈ અને હૈદરાબાદ વચ્ચે મેચ રમાઈ હતી. આ મેચમાં મુંબઈનો ખેલાડી રોહિત શર્મા આઉટ થયો હતો. તેના આઉટ થવાથી હવે મુંબઈ કેવી રીતે જીતશે? એવો સવાલ ક્રિકેટ પ્રેમી બંડોપંતે કર્યો હતો.
બંડોપંતના આ સવાલથી ગુસ્સે થઈને મુંબઈ ઈન્ડિયન્સના ચાહક એવા બે લોકોએ તેમના પર જીવલેણ હુમલો કર્યો અને તેમનું માથું ફાડી નાખ્યું. ઈજાગ્રસ્ત હાલતમાં તેમને સારવાર માટે હોસ્પિટલ લઈ જવામાં આવ્યા હતા. સારવાર દરમિયાન વૃદ્ધનું મોત થયું હતું. આ ઘટના 27 માર્ચે રાત્રે લગભગ 10 વાગ્યે બની હતી. બંડોપંતના મૃત્યુ પછી, તેમના પર હુમલો કરનાર બળવંત ઝાંજગે અને સાગર ઝાંજગેની કરવીર પોલીસે ધરપકડ કરી હતી.
કરવીર પોલીસ સ્ટેશનના જણાવ્યા અનુસાર બુધવારે બળવંત ઝાંજગે અને સાગર ઝાંજગે અન્ય લોકો સાથે શેરીમાં એક ઘરમાં IPL મેચ જોઈ રહ્યા હતા. આ બંને મુંબઈ ઈન્ડિયન્સના ફેન છે. હૈદરાબાદના રનના ઢગલાથી તે ઘણો ગુસ્સે હતો. રોહિત શર્મા એક બોલ પર આઉટ થતાની સાથે જ ચેન્નાઈ સુપર કિંગ્સના ફેન બંડોપંત ટિબિલે ત્યાં પહોંચી ગયા અને મજાકમાં કહ્યું કે હવે જો રોહિત શર્મા બહાર થયો તો મુંબઈ કેવી રીતે જીતશે? એવો પ્રશ્ન પૂછીને ખુશી વ્યક્ત કરી હતી. દરમિયાન ઉશ્કેરાયેલા બળવંત અને સાગરે તેમના પર હુમલો કરી ગંભીર ઇજા પહોંચાડી હતી. આ હુમલામાં ટિબિલેને માથામાં ઈજા થઈ હતી અને થોડા જ કલાકોમાં તેમણે જીવ ગુમાવ્યો હતો. કરવીર પોલીસ આ કેસની તપાસમાં વ્યસ્ત છે.
આ પણ વાંચો:RCB vs KKR Live: કોલકાતાએ બેંગલુરુને 7 વિકેટે હરાવ્યું
આ પણ વાંચો:ક્રિકેટર પૂજા વસ્ત્રાકરે ઈન્સ્ટાગ્રામ સ્ટોરી ડીલિટ કરી, PM અને દિગ્ગજ નેતાઓ પરની પોસ્ટ વાયરલ
