World News: ઈદની ખુશી વચ્ચે ઈરાન પર અમેરિકન બોમ્બ (American bomb) ધડાકાનો ખતરો તોળાઈ રહ્યો છે. પરંતુ ઈરાને સ્પષ્ટ કર્યું છે કે તે અમેરિકાના કોઈપણ દબાણ સામે ઝૂકશે નહીં. અમેરિકન ધમકીઓનો સામનો કરવા માટે, તેહરાને તેની મિસાઇલો (Missiles) ને લોન્ચ મોડમાં ગોઠવી દીધી છે.ઈરાને તેની મિસાઈલો લોન્ચર પર લોડ કરી છે. મતલબ કે મિસાઈલને માત્ર એક બટન દબાવીને લોન્ચ કરી શકાય છે.
તેહરાન ટાઈમ્સે અહેવાલ આપ્યો છે કે ઈરાનની સશસ્ત્ર દળોએ અમેરિકાના લક્ષ્યાંકો પર હુમલો કરવા સક્ષમ મિસાઈલો તૈયાર કરી છે. નોંધનીય છે કે રાષ્ટ્રપતિ ડોનાલ્ડ ટ્રમ્પે ધમકી આપી છે કે જો તહેરાન તેની શરતો પર નવા પરમાણુ કરાર માટે સંમત નહીં થાય તો તે લશ્કરી કાર્યવાહી કરશે.ઈરાને આવી કોઈ પણ કટોકટીનો સામનો કરવા માટે ‘રેડી ટુ લોન્ચ’ મિસાઈલો રાખી છે. આ મિસાઈલોને દેશભરમાં ભૂગર્ભમાં રાખવામાં આવી છે અને આ મિસાઈલોને હવાઈ હુમલાનો સામનો કરવા માટે તૈયાર કરવામાં આવી છે.
ઈરાની સમાચાર એજન્સી આઈઆરએનએ ઈરાની સશસ્ત્ર દળોના ચીફ ઓફ સ્ટાફે વિરોધીઓને કડક ચેતવણી આપી છે કે ઈસ્લામિક રિપબ્લિક વિરુદ્ધ કોઈપણ ખોટી ગણતરી અથવા આક્રમકતાનો શક્તિશાળી અને ગંભીર જવાબ આપવામાં આવશે.ઇસ્લામિક પ્રજાસત્તાક દિવસના અવસર પર એક સંદેશમાં, ચીફ ઓફ સ્ટાફે કહ્યું, “ઇસ્લામિક રિપબ્લિક હંમેશા પ્રાદેશિક અને આંતરરાષ્ટ્રીય શાંતિ અને સલામતીનું આશ્રયદાતા રહ્યું છે.”
નિવેદનમાં ઈરાનની સૈન્ય શક્તિની ખોટી ગણતરી કરી શકે તેવા તમામ પ્રતિસ્પર્ધીઓને ચેતવણી આપવામાં આવી છે કે “ઈસ્લામિક ઈરાનની પવિત્રતાના કોઈપણ ખતરો, આક્રમકતા, ઉશ્કેરાટ અથવા ઉલ્લંઘનનો ગંભીર પ્રતિભાવ, બળ વધારવા અને આક્રમક અભિગમ સાથે જવાબ આપવામાં આવશે.”જાન્યુઆરીમાં તેમના ઉદ્ઘાટનથી, ટ્રમ્પે વારંવાર કહ્યું છે કે જો તે ઈરાન પરમાણુ કરાર પર હસ્તાક્ષર નહીં કરે તો તે બોમ્બમારો કરશે. અહેવાલો સૂચવે છે કે અમેરિકા ઇચ્છે છે કે ઈરાન તેના પરમાણુ કાર્યક્રમને સંપૂર્ણપણે બંધ કરી દે.
ઈરાનીઓએ વર્તમાન સંજોગોમાં અમેરિકા સાથે વાતચીત કરવાનો ઈન્કાર કર્યો છે અને કહ્યું છે કે તેઓ કોઈપણ હુમલાનો નિર્ણાયક જવાબ આપવા માટે તૈયાર છે.ઉલ્લેખનીય છે કે અમેરિકી રાષ્ટ્રપતિ ડોનાલ્ડ ટ્રમ્પે ચેતવણી આપી છે કે જો ઈરાન તેના પરમાણુ કાર્યક્રમ પર કોઈ સમજૂતી નહીં કરે તો તેઓ ઈરાન પર બોમ્બ ધડાકા પર વિચાર કરશે.ટ્રમ્પે કહ્યું, “જો તેઓ કોઈ સોદો નહીં કરે તો બોમ્બ ધડાકા થશે. આ એવો બોમ્બ ધડાકો હશે જેવો તેઓએ પહેલા ક્યારેય જોયો નથી.”
ટ્રમ્પે ચેતવણી પણ આપી હતી કે તેઓ ઈરાન પર “સેકન્ડરી ટેરિફ” લાદશે.
દરમિયાન, રાષ્ટ્રપતિ ટ્રમ્પનો પત્ર મળ્યા બાદ ઈરાને અમેરિકા સાથે સીધી વાતચીત કરવાનો ઈન્કાર કરી દીધો હતો. રાષ્ટ્રપતિ મસૂદ પેજેશ્કિયાને કહ્યું કે દેશ તેના પરમાણુ કાર્યક્રમને લઈને અમેરિકા સાથે સીધી વાટાઘાટો કરશે નહીં.
રાષ્ટ્રપતિ ટ્રમ્પ દ્વારા ઈરાનના સુપ્રીમ લીડરને મોકલવામાં આવેલા પત્ર પર ઈરાનની આ પ્રથમ પ્રતિક્રિયા હતી.ઈરાને ભલે સીધી વાતચીતનો અસ્વીકાર કર્યો હોય, પરંતુ રાષ્ટ્રપતિએ અમેરિકા સાથે પરોક્ષ વાતચીતની શક્યતાને નકારી કાઢી નથી.આ મહિનાની શરૂઆતમાં, ટ્રમ્પે જાહેરાત કરી હતી કે તેણે પરમાણુ કરાર પર વાટાઘાટો શરૂ કરવાના પ્રયાસરૂપે ઈરાનને પત્ર લખ્યો છે, આશા છે કે ઈરાન વાટાઘાટો કરવા તૈયાર હશે.
આ પણ વાંચો:ઈરાનમાં હિજાબ સામે વિરોધ? એક મહિલા નગ્ન હાલતમાં કાર પર ચઢી ગઈ અને કર્યું આવું…
આ પણ વાંચો: ઈરાનમાં 2 જજોની ગોળી મારીને હત્યા, બંનેને કટ્ટરપંથી ગણાવવામાં આવ્યા
