Ahmedabad News : અમદાવાદના ઇસ્કોન બ્રિજ પર થયેલા ગમખ્વાર અકસ્માત કેસમાં જેલમાં બંધ આરોપી તથ્ય પટેલની મુશ્કેલીઓ હવે વધી છે. સુપ્રીમ કોર્ટે (SC) આ કેસની ઝડપી સુનાવણી કરવા માટે કડક અને મહત્ત્વનો આદેશ આપ્યો છે. સુપ્રીમ કોર્ટે ટ્રાયલ કોર્ટને સ્પષ્ટ નિર્દેશ આપ્યો છે કે તથ્ય પટેલ સામેનો કેસ ઝડપી (Fast Track) ધોરણે ચલાવવામાં આવે. આ આદેશ પીડિત પરિવારોને ન્યાય જલ્દી મળે તે દિશામાં એક મહત્ત્વપૂર્ણ પગલું ગણાય છે. ‘રફતારના રાક્ષસ’ તરીકે બદનામ થયેલા તથ્ય પટેલ સામેની કાયદાકીય પ્રક્રિયા હવે વધુ ગતિ પકડશે.
સુપ્રીમ કોર્ટે આપેલા આદેશના પગલે, હવે સેશન્સ કોર્ટમાં તથ્ય પટેલ સામેની કાર્યવાહી તાત્કાલિક ધોરણે હાથ ધરવામાં આવશે. SCએ ટ્રાયલ કોર્ટને આદેશ કર્યો છે કે આ કેસમાં ચાર્જફ્રેમ (Chargeframe) કરવાની પ્રક્રિયા વહેલી તકે પૂર્ણ કરવામાં આવે. ચાર્જફ્રેમ એટલે કે આરોપી વિરુદ્ધના આરોપોનું ઔપચારિક નિવેદન, જે ટ્રાયલ શરૂ કરવા માટે અનિવાર્ય છે. સુપ્રીમ કોર્ટનો આ આદેશ દર્શાવે છે કે આ સંવેદનશીલ કેસને લાંબો ખેંચી શકાય નહીં અને સમયસર ન્યાય પ્રક્રિયા પૂરી કરવી અનિવાર્ય છે. આનાથી ટ્રાયલની શરૂઆત માટેનો માર્ગ મોકળો થશે.
ઇસ્કોન બ્રિજ પરથયેલા ગમખ્વાર અકસ્માતમાં 9 નિર્દોષ લોકો મોતમને ભેટ્યા હતા, આ બનાવને પગલે સમગ્ર રાજ્યમાં હાહાકાર મચી ગયો હતો. આ ઘટના બાદથી તથ્ય પટેલ જેલમાં બંધ છે. સુપ્રીમ કોર્ટના તાજેતરના આદેશથી પીડિત પરિવારોમાં ન્યાયની આશા ફરી જાગી છે. આ આદેશ એ સંદેશ આપે છે કે કાયદાની પ્રક્રિયામાં વિલંબ ન્યાયને નકારી શકે છે. અકસ્માત જેવા ગંભીર કેસોમાં જ્યારે સમાજ પર તેની ઊંડી અસર થતી હોય, ત્યારે ન્યાયતંત્રની આ પ્રકારની ત્વરિત કાર્યવાહી કાયદાના શાસનમાં લોકોનો વિશ્વાસ મજબૂત કરે છે.
આ પણ વાંચો: ગોધરામાં 25 હજાર KV રેલવે વીજ કેબલ તૂટતા મોટી હોનારત ટળી, ગ્રામજનોએ પાયલટને કર્યો એલર્ટ
આ પણ વાંચો: કેન્દ્રીય મંત્રીમંડળે રેલવે કર્મચારીઓને 78 દિવસ માટે ઉત્પાદકતા આધારિત બોનસ મંજૂર કર્યું
આ પણ વાંચો: નાયબ મુખ્યમંત્રી હર્ષ સંઘવી સુરત રેલવે સ્ટેશન પહોંચ્યા, સ્વાગત રેલી ન નીકાળવા આહવાન કર્યું
