ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ દેશને ગૌરવ અપાવ્યું છે. લગભગ 22 દિવસની મુસાફરી બાદ ચંદ્રયાન-3 પૃથ્વીની ભ્રમણકક્ષાને પાર કરીને હવે ચંદ્રની ભ્રમણકક્ષામાં પ્રવેશી ચુક્યું છે. હવે આ ચંદ્રયાન ચંદ્રના દક્ષિણ ધ્રુવ તરફ ઝડપી ગતિએ આગળ વધી રહ્યું છે. ઓગસ્ટના અંતિમ સપ્તાહમાં ચંદ્રના દક્ષિણ ધ્રુવ પર લેન્ડર ઉતરતાની સાથે જ ભારત એવો ઈતિહાસ રચવા જઈ રહ્યો છે, જે આજ સુધી દુનિયાનો કોઈ દેશ રચી શક્યો નથી. જણાવી દઈએ કે, ચંદ્રના દક્ષિણ ધ્રુવ પર સંપૂર્ણ અંધારું છે. કોઈપણ દેશના વૈજ્ઞાનિકો પાસે હજુ સુધી અહીં વિશે કોઈ ચોક્કસ માહિતી નથી. અત્યાર સુધી દુનિયાનો કોઈ દેશ ચંદ્રના દક્ષિણ ધ્રુવ સુધી પહોંચી શક્યો નથી.
ઈસરોએ શુક્રવારે જણાવ્યું હતું કે ચંદ્રયાન-3 અવકાશયાન 14 જુલાઈના રોજ લોન્ચ થયા બાદથી ચંદ્રના લગભગ બે તૃતીયાંશ અંતરને કવર કરી ચૂક્યું છે. હવે તે 23-24 ઓગસ્ટના રોજ ચંદ્રના દક્ષિણ ધ્રુવ પર પહોંચવાની આશા છે. તેના પ્રક્ષેપણથી, ચંદ્રયાન-3ને ભ્રમણકક્ષા વધારવાની કામગીરીમાં પાંચ વખત સફળતાપૂર્વક હાથ ધરવામાં આવ્યું છે. 1 ઓગસ્ટના રોજ, અવકાશયાનને પૃથ્વીની ભ્રમણકક્ષાથી ચંદ્ર તરફ ઉપાડવાની પ્રક્રિયા સફળતાપૂર્વક પૂર્ણ થઈ અને વાહનને ‘ટ્રાન્સલુનર ઓર્બિટ’માં મૂકવામાં આવ્યું. ઈસરોના જણાવ્યા મુજબ આજે વધુ એક મહત્વપૂર્ણ પ્રયાસમાં અવકાશયાનને ચંદ્રની ભ્રમણકક્ષામાં મૂકવામાં આવ્યું છે.
રાષ્ટ્રીય અવકાશ એજન્સીએ શુક્રવારે જણાવ્યું હતું કે ચંદ્રની ભ્રમણકક્ષામાં અવકાશયાન દાખલ કરવાની પ્રક્રિયા 5 ઓગસ્ટના રોજ સાંજે 7 વાગ્યાની આસપાસ નિર્ધારિત છે. ઈસરોએ કહ્યું કે આ પ્રયાસ ત્યારે કરવામાં આવશે જ્યારે ચંદ્રયાન-3 ચંદ્રની સૌથી નજીક હશે. અગાઉ, તેણે કહ્યું હતું કે તે 23 ઓગસ્ટે ચંદ્રની સપાટી પર ચંદ્રયાન-3નું ‘સોફ્ટ લેન્ડિંગ’ કરવાનો પ્રયાસ કરશે.
આ પણ વાંચો:Rahul Gandhi/સુપ્રીમ કોર્ટમાંથી રાહુલ ગાંધીને રાહત, ગુજરાત કોંગ્રેસના અધ્યક્ષ શક્તિ સિંહ ગોહિલે કર્યું આ ટ્વિટ
આ પણ વાંચો:BJP-Kapil Mishra/કપિલ મિશ્રાને મળી મોટી જવાબદારી, દિલ્હી ભાજપે બનાવ્યા પ્રદેશ ઉપાધ્યક્ષ
આ પણ વાંચો:Gyanwapi Mosque/જ્ઞાનવાપી મસ્જિદઃ કળશ, સ્વસ્તિક પ્રતીક, કમળ, ત્રિશૂળ અને મૂર્તિઓ મળી ભોંયરામાંથી મળી આવી
