સુકેશ ચંદ્રશેખર સાથે જોડાયેલા 200 કરોડના મની લોન્ડરિંગ કેસમાં જેકલીન ફર્નાન્ડીઝ આજે દિલ્હીની પટિયાલા હાઉસ કોર્ટમાં પહોંચી છે. અગાઉ આ મામલે 13 ડિસેમ્બરે સુનાવણી થઈ હતી, પરંતુ બાદમાં તેને 20 ડિસેમ્બર સુધી ટાળી દેવામાં આવી હતી. કોર્ટ હવે નોરા ફતેહી વતી જેકલીન વિરુદ્ધ દાખલ કરવામાં આવેલી ફરિયાદ પર સુનાવણી કરશે. નોરાનું કહેવું છે કે આ મામલામાં તેનું નામ બળપૂર્વક લાવવામાં આવી રહ્યું છે, તેને આ મામલામાં કોઈ લેવાદેવા નથી. આ સાથે નોરાએ સુકેશ પાસેથી મોંઘી ગિફ્ટ લેવાની વાતને પણ ખોટી ગણાવી છે.
નોરા ફતેહીએ જેકલીન સામે માનહાનિનો કેસ દાખલ કર્યો છે. આ કેસની સુનાવણી માટે જેકલીન આજે કોર્ટમાં પહોંચી છે. કોર્ટમાં તેની સાથે વકીલ પ્રશાંત પાટીલ અને શક્તિ પાંડે પણ હાજર છે. તે જ સમયે, ઠગ સુકેશ ચંદ્રશેખર પણ કોર્ટમાં જોવા મળી શકે છે. આ પહેલીવાર હશે જ્યારે જેકલીન અને સુકેશ કોર્ટમાં સામસામે હશે. આપને જણાવી દઈએ કે 12 ડિસેમ્બરના રોજ દાખલ કરવામાં આવેલી ફરિયાદમાં નોરાએ કહ્યું હતું કે, જેકલીન પોતાના ફાયદા માટે તેની કરિયર બરબાદ કરી રહી છે, જેકલીન તેની સાથે યોગ્ય રીતે સ્પર્ધા કરી શકતી નથી, તેથી તે આ ખોટા આરોપ લગાવીને તેની કરિયર બરબાદ કરવા માંગે છે.
આ લેવડદેવડમાં અભિનેત્રીનો પરિવાર પણ સામેલ હતો
પોલીસ અને ED આ મામલે તપાસ કરી રહી છે. આ પહેલા પણ EDએ જેક્લીન અને નોરાની કેટલાંક કલાકો સુધી પૂછપરછ કરી હતી, જે બાદ ખબર પડી હતી કે સુકેશ જેકલીન અને નોરા બંનેને મોંઘી ગિફ્ટ્સ આપતો હતો. આ સાથે સુકેશે જેકલીનના પરિવારના સભ્યો સાથે 15 લાખના ફંડ સહિત ભેટની આપલે પણ કરી હતી. જ્યારે નોરાએ કહ્યું કે તે સુકેશ સાથે સીધા સંપર્કમાં નથી. તે સુકેશની પત્ની લીના મારિયા પોલ દ્વારા સુકેશને ઓળખતી હતી.
આ પણ વાંચો: કમલનાથના પુત્રએ કહ્યું- મારી સભામાં રાહુલ ગાંધીની ભારત જોડો યાત્રા કરતા વધારે ભીડ
આ પણ વાંચો:દિલ્હી-મેરઠ રેપિડ રેલ આગામી વર્ષે શરૂ થશેઃ મેરઠવાસીઓની આતુરતાનો આવશે અંત
