કહેવાય છે કે મનુષ્યમાં બે પ્રકારના વ્યક્તિત્વ હોય છે. જ્યારે તે કેવા પ્રકારનું વ્યક્તિત્વ પસંદ કરે છે, તેના આધારે તેની ક્રિયાઓ નક્કી કરવામાં આવે છે. જો કોઈ વ્યક્તિ તેના ખોટા વ્યક્તિત્વને સાંભળે છે, તો તે મોટાભાગે ખરાબ કાર્યો કરે છે. જો કે, જો તે જ વ્યક્તિ તેના સારા વ્યક્તિત્વને સાંભળવાનું શરૂ કરે છે, તો તેના હાથમાંથી સારા કાર્યો ની જ સુગંધ આવતી હોય છે. આવું જ કઈક જામનગર ખાતે બન્યું છે. અંહી એક વ્યક્તિ એ કોઈને મારી નાખવા માટે સોપારી આપી હતી. જ્યાં એક ટ્રક ચાલકે 5 લાખની સોપારી મળી હોવા છતાં પીડિતાને તેના વિશે માહિતી આપીને તેનો જીવ બચાવ્યો હતો.
બનાવની વિગતે મળતી માહિતી મુજબ લાલપુરમાં રહેતા બાંધકામ સાથે સંકળાયેલા કોન્ટ્રાકટરે પોલીસ સ્ટેશનમાં બે લોકો સામે ફરિયાદ નોંધાવી છે. ફરિયાદમાં જણાવ્યા મુજબ, પ્રવીણભાઈ વસરા નામના 42 વર્ષીય કોન્ટ્રાક્ટરને એક યુવકે બાતમી આપી હતી કે, રિંજપર ગામના નારાયણભાઈ બેડિયાબદરા અને દાદુ ગાગલિયા નામના શખ્સે તેની પર ટ્રક ચઢાવવા માટે તેને પાંચ લાખની સોપારી આપી હતી. જોકે, સોપારી ન સ્વીકારતા યુવકે પીડિતાને આ અંગે જાણ કરીને પોતાનો જીવ બચાવ્યો હતો.
પોલીસમાં ફરિયાદ નોંધાવતા પ્રવીણભાઈએ જણાવ્યું હતું કે, થોડા સમય પહેલા તેમને પવનચક્કીનું કામ મળ્યું હતું. જોકે બંને આરોપીઓ પાસે આ પવનચક્કીનું કામ કરાવ્યું હતું. જોકે, બંને આરોપીઓ આ પવનચક્કીનો કોન્ટ્રાક્ટ મેળવવા માંગતા હતા. જેના કારણે તેણે કોન્ટ્રાક્ટરને મારવાનો પ્લાન બનાવ્યો હતો.
કોન્ટ્રાક્ટરને મારવા માટે તેણે લાલપુરના હુસેનભાઈ નામના વ્યક્તિને બોલાવી પાંચ લાખ રૂપિયાની સોપારી આપવાની લાલચમાં પ્રવીણભાઈને ટ્રક ચઢાવવાનું જણાવ્યું હતું. જોકે, હુસેને જઈને પ્રવીણભાઈને આ વાત જણાવી હતી. જેના કારણે પ્રવીણભાઈએ બંને આરોપીઓ વિરુદ્ધ પોલીસ મથકમાં ફરિયાદ નોંધાવી હતી.
કૌભાંડ / STમાં નોકરી અપાવવાનું કૌભાંડ ? સ્ટિંગ ઓપરેશનમાં નિગમના પૂર્વ ડિરેક્ટરે પૈસા લીધાનો કર્યો એકરાર
‘પુષ્પા’નો ક્રેઝ / છ મીટરની સાડી પર ‘પુષ્પા’ની પ્રિન્ટ, સેમ્પલ જોઈ મળ્યા અનેક ઓર્ડર
Security lapses / PM મોદીની સુરક્ષામાં ચૂક, કાફલામાં સામેલ એમ્બ્યુલન્સમાંથી ડોક્ટરોની ટીમ ગુમ
