Gujarat News: જન્માષ્ટમી પર્વને લઈને દ્વારકાધામ જવા માટે મુસાફરોની સંખ્યામાં વધારો થવાની શક્યતાને ધ્યાનમાં રાખીને પશ્ચિમ રેલવે દ્વારા વિશેષ વ્યવસ્થા (Janmashtami Special Train) કરવામાં આવી છે. મુસાફરોની સુવિધા માટે ગાંધીનગર કેપિટલ અને દ્વારકા વચ્ચે જન્માષ્ટમી સ્પેશિયલ અનરિઝર્વ્ડ ટ્રેન દોડાવવાનો નિર્ણય લેવાયો છે. આ ટ્રેન 3, 4 અને 5 સપ્ટેમ્બર 2026ના રોજ બંને દિશામાં કુલ 6 ફેરા કરશે.

ગાંધીનગરથી દ્વારકા રાત્રે રવાના થશે

ટ્રેન નંબર 09521 ગાંધીનગર કેપિટલ–દ્વારકા સ્પેશિયલ (Gandhinagar Dwarka Train) ગાંધીનગર કેપિટલથી રાત્રે 8:00 વાગ્યે ઉપડશે. આ ટ્રેન બીજા દિવસે સવારે 5:50 વાગ્યે દ્વારકા પહોંચશે. જન્માષ્ટમી દરમિયાન દ્વારકા જવા ઇચ્છતા શ્રદ્ધાળુઓ અને અન્ય મુસાફરો માટે આ વધારાની ટ્રેન ઉપયોગી બની રહેશે.

Janmashtami Special Train: દ્વારકાથી ગાંધીનગર પરત આવવાનો સમય

પરત ફરતી વખતે ટ્રેન નંબર 09522 દ્વારકા–ગાંધીનગર કેપિટલ સ્પેશિયલ દ્વારકાથી સવારે 6:50 વાગ્યે ઉપડશે અને સાંજે 5:00 વાગ્યે ગાંધીનગર કેપિટલ પહોંચશે. આમ, બંને દિશામાં મુસાફરો માટે વધારાની ટ્રેન સેવા ઉપલબ્ધ રહેશે.

જન્માષ્ટમી સ્પેશિયલ ટ્રેન ગાંધીનગર કેપિટલ અને દ્વારકા વચ્ચેના રૂટ પર કુલ 13 સ્ટેશનો પર રોકાશે. તેમાં ચાંદલોડિયા બી, આંબલી રોડ, વિરમગામ, લખતર, સુરેન્દ્રનગર, થાન, વાંકાનેર, રાજકોટ, હાપા, જામનગર, કાનાલુસ, ખંભાળિયા અને ભાટિયાનો સમાવેશ થાય છે.

પશ્ચિમ રેલવે (Western Railway) મુજબ આ વિશેષ ટ્રેનના તમામ કોચ જનરલ કેટેગરીના અનરિઝર્વ્ડ કોચ રહેશે. એટલે મુસાફરો માટે રિઝર્વેશન વગર મુસાફરી કરવાની સુવિધા ઉપલબ્ધ રહેશે.

ટ્રેનની સંપૂર્ણ માહિતી ઓનલાઈન મળશે

મુસાફરો ટ્રેનના સમય, રૂટ, સ્ટોપેજ સહિતની વિગતવાર માહિતી માટે Indian Railways Enquiryની સત્તાવાર વેબસાઇટ પર તપાસ કરી શકે છે. જન્માષ્ટમીના દિવસોમાં દ્વારકા તરફ મુસાફરોની વધતી ભીડને ધ્યાનમાં રાખીને આ વિશેષ ટ્રેન સેવા મહત્વપૂર્ણ બની શકે છે.

આ પણ વાંચો: ટ્રેનમાં મુસાફરી કરતા લોકો માટે મોટા સમાચાર! ઉંદર-વંદા રોકવા અમદાવાદ રેલવેની ખાસ તૈયારી

આ પણ વાંચો: રેલવે માટે મોદી કેબિનેટનો મોટો નિર્ણય! 4 મહત્વની લાઈનોને લીલી ઝંડી, હાઈવે પ્રોજેક્ટને પણ મંજૂરી

આ પણ વાંચો: ભારતીય રેલવેની અનોખી ટિકિટ સુવિધા; હવે 1 જ ટિકિટ પર કરી શકશો 8 અલગ-અલગ શહેરોની સફર, જાણો સંપૂર્ણ નિયમો