બોલીવુડની સુંદર અભિનેત્રી જયા પ્રદા આ અઠવાડિયે સિગિંગ રિયાલિટી શો ‘ઇન્ડિયન આઇડોલ 12’માં જોવા મળી રહી છે. અભિનેત્રી અહીંના સ્પર્ધકો સાથે ખૂબ મસ્તી કરતી જોવા મળી હતી અને તેની કારકિર્દી વિશે કેટલીક વાતો પણ શેર કરી હતી. સોની ટીવી પર પ્રસારિત થતા આ શોમાં તે સ્પર્ધકો સાથે ડાન્સ કરતી જોવા મળી રહી છે. શોમાં જયા પ્રદાએ પોતાના અને દિવંગત અભિનેત્રી શ્રીદેવી વચ્ચેના સંબંધોની વાત જાહેર કરી હતી. જયાએ જણાવ્યું હતું કે ભલે તેણી અને શ્રીદેવીએ ઘણી ફિલ્મોમાં સાથે કામ કર્યું હોવા છતાં, બંને ઑફસ્ક્રીન બિલકુલ વાત કરતી ન હતી ઉલટાનું બંને વચ્ચે એક હરીફાઈ હતી.

શ્રીદેવી વિશે વાત કરતા જયા કહે છે, “હું કહી શકું છું કે હું સૌથી ભાગ્યશાળી વ્યક્તિ છું કારણ કે મારી અને શ્રીદેવી વચ્ચે ક્યારેય વ્યક્તિગત ઝઘડો નહોતો.” હા, પરંતુ અમારી વચ્ચે ક્યારેય કોઈ ફીઝીક્લ કેમેસ્ટ્રી થઈ ન હતી. અમે બંનેએ ઓનસ્ક્રીનમાં બહેનોની ભૂમિકા ભજવી હશે, પણ ઓફસ્ક્રીન અમે આંખોમાં આંખો મિલાવીને વાત પણ નહોતી કરી. અમારી વચ્ચે હંમેશાં સ્પર્ધા રહેતી હતી, પછી ભલે તે ડ્રેસ હોય કે ડાન્સની. જ્યારે પણ અમે સેટ પર મળતા, ડિરેક્ટરો અમને એકબીજા સાથે પરિચય કરાવતા, અમે સામે મળીને અલગ થઈ જતા. ‘

જીતેન્દ્ર અને રાજેશ ખન્નાએ બંનેને એક રૂમમાં બંધ કરી દીધા હતા

અભિનેત્રીએ વધુમાં ઉમેર્યું, ‘મને હજી યાદ છે કે ‘મકસદ’ ફિલ્મના શૂટિંગ દરમિયાન જીતુ જી અને રાજેશ ખન્ના જીએ અમને બંનેને એક કલાક માટે મેક-અપ રૂમમાં બંધ કરી દીધા હતા. તેઓએ વિચાર્યું કે જો તેઓ અમને બંધ કરી દેવામાં આવશે તો અમે વાત શરૂ કરીશું. પરંતુ એક કલાક સુધી અમે એકબીજા સાથે એક પણ શબ્દ બોલ્યા નહીં. તે પછી તેણે પણ હાથ ઊંચા કરી દીધા હતા.પરંતુ જ્યારે મને ખબર પડી કે શ્રીદેવીએ આ દુનિયા છોડી દીધી છે, ત્યારે મને ખૂબ જ ખરાબ લાગ્યું. હું તેમને ખૂબ યાદ કરું છું. આ મંચ દ્વારા મારે એટલું જ કહેવાનું છે કે ‘કાશ અમે એક બીજા સાથે વાત કરી શક્યા હોત.’.