ડ્રગ્સ કેસમાં 2 ઓક્ટોબરે ધરપકડ કરાયેલ શાહરૂખ ખાનનો પુત્ર આર્યન ખાન આજે જેલમાંથી મુક્ત થઈ શકે છે. અભિનેત્રી જુહી ચાવલાએ તેના એક લાખ રૂપિયાના બોન્ડ ભરીને જામીન લીધા છે અને વકીલોએ તમામ ઔપચારિકતાઓ પૂર્ણ કરી છે. હાઈકોર્ટ દ્વારા જામીનનો આદેશ જારી કરવામાં આવ્યા બાદ અભિનેત્રી જુહી ચાવલા એનડીપીએસ કોર્ટમાં પહોંચી અને 1 લાખ રૂપિયાના બોન્ડ જમા કરાવ્યા. આર્યન ખાનના વકીલ પણ તેમની સાથે હતા. આ ઔપચારિકતાઓ પૂર્ણ કર્યા પછી, હવે તેમની મુક્તિની પ્રક્રિયા શરૂ થઈ શકે છે. આ પહેલા શુક્રવારે બોમ્બે હાઈકોર્ટે તેના નિર્ણય વિશે વિગતવાર માહિતી આપી હતી, જેના હેઠળ તેમણે ગુરુવારે જામીન આપ્યા હતા.
એનડીપીએસ કોર્ટમાં પહોંચતા આર્યન ખાનના વકીલે જજને કહ્યું, ‘સર, હું જૂહી ચાવલાને જામીન તરીકે રજૂ કરી રહ્યો છું.’ આ પછી જુહી ચાવલા સાક્ષી બોક્સમાં આવ્યા. જજ દ્વારા પૂછવામાં આવતા તેમણે પોતાનું નામ જુહી ચાવલા મહેતા જણાવ્યુ હતું. આના પર જજે પૂછ્યું કે તમે કોના જામીન લઈ રહ્યા છો તો જુહી ચાવલાએ કહ્યું કે હું આર્યન ખાનના જામીન લઈ રહી છું. આ અંગે શાહરૂખ ખાનના વકીલે કહ્યું કે જુહી ચાવલા આર્યન ખાનને બાળપણથી જ ઓળખે છે કારણ કે બંનેના પરિવારો પ્રોફેશનલ રીતે જોડાયેલા છે.
કોર્ટે આર્યન ખાનને જામીન આપવાનો આદેશ આપતા કહ્યું છે કે તે દેશ છોડી શકશે નહી. આ સિવાય તેમણે દર શુક્રવારે સવારે 11 થી 2 વાગ્યાની વચ્ચે NCBના તપાસ અધિકારી સમક્ષ હાજર થવું પડશે. તે કોર્ટની પરવાનગી વિના દેશ છોડી શકતો નથી અને તેના માટે તપાસ અધિકારીને જાણ કરવી પડશે. તેઓએ તેમનો પાસપોર્ટ જમા કરાવવો પડશે અને કોર્ટમાં ચાલી રહેલી કાર્યવાહી અંગે ટિપ્પણી કરવા પર પણ પ્રતિબંધ મુકવામાં આવશે. આર્યનના વકીલ સતીશ માનશિંદેએ કહ્યું કે અમને હાઈકોર્ટના આદેશની નકલ મળી છે. અમે બધા પ્રક્રિયા પૂર્ણ કરવામાં વ્યસ્ત છીએ. અમારો પ્રયાસ રહેશે કે આર્યન ખાન આજે જ જેલમાંથી મુક્ત થાય
