Junagadh News: માણાવદર તાલુકાના પીપલાણા ગામમાં આવેલા સ્વામિનારાયણ મંદિર પરિસરમાં ગેસ સિલિન્ડર (Gas Cylinder Black Marketing) ઊંચા ભાવે વેચાતા હોવાના આક્ષેપ બાદ તંત્ર દ્વારા કાર્યવાહી કરવામાં આવી છે. સોશિયલ મીડિયામાં ગેસ સિલિન્ડર (Gas Cylinder Black Marketing)ની કથિત કાળાબજારી અંગેનો વીડિયો વાયરલ થયા બાદ મામલતદારની ટીમે મંદિર પરિસરમાં તપાસ હાથ ધરી હતી. તપાસ દરમિયાન આશરે ₹90,290ની કિંમતનો ગેસ સિલિન્ડરનો જથ્થો મળી આવતા તેને સીઝ કરવામાં આવ્યો છે.
સોશિયલ મીડિયા વીડિયો બાદ તંત્ર હરકતમાં
મળતી માહિતી પ્રમાણે, પીપલાણા સ્વામિનારાયણ મંદિર પરિસરમાં સરકાર દ્વારા નિર્ધારિત કિંમત કરતાં વધુ ભાવે ગેસ સિલિન્ડર આપવામાં આવતા હોવાના આક્ષેપો થયા હતા. ₹960ની કિંમતનો સિલિન્ડર ₹1250માં વેચાતો હોવાનો દાવો કરવામાં આવ્યો હતો. આ મામલે સોશિયલ મીડિયામાં વીડિયો વાયરલ થતાં માણાવદર તંત્રનું ધ્યાન દોરાયું હતું. ત્યારબાદ માણાવદર મામલતદાર મહેશ શુક્લાની આગેવાની હેઠળની ટીમ મંદિર ખાતે પહોંચી હતી અને સમગ્ર મામલે તપાસ શરૂ કરી હતી.
Gas Cylinder Black Marketing: ₹90,290નો ગેસ સિલિન્ડરનો જથ્થો મળ્યો
તપાસ દરમિયાન મંદિર પરિસરમાંથી ઇન્ડિયન ગેસ અને HP ગેસના વિવિધ સિલિન્ડરોનો જથ્થો મળી આવ્યો હતો. તંત્ર દ્વારા આશરે ₹90,290ની કિંમતના સિલિન્ડરો સીઝ કરવામાં આવ્યા છે. સીઝ કરાયેલા ગેસ સિલિન્ડર (Gas Cylinder Black Marketing)નો જથ્થો સુરક્ષિત રાખવા માટે માણાવદર અને વંથલી વિસ્તારની સંબંધિત અધિકૃત ગેસ એજન્સીઓને સોંપવામાં આવ્યો હોવાનું મામલતદાર દ્વારા જણાવાયું છે.
32 જેટલી ગેસ કનેક્શનની બુકો મળી
તપાસ દરમિયાન ગેસ કનેક્શન સાથે સંકળાયેલી આશરે 32 બુકો પણ મળી આવી હોવાનું સામે આવ્યું છે. પ્રાથમિક તપાસમાં આ સમગ્ર વ્યવહાર ભગત બાપુ નામના સેવક દ્વારા ચલાવવામાં આવતો હોવાની માહિતી તંત્રને મળી છે. મામલતદારની ટીમે અત્યાર સુધીમાં આશરે 8 ગ્રાહકો અને સંબંધિત લોકોના નિવેદનો નોંધ્યા છે. બાકીના લોકોના નિવેદન લેવાની પ્રક્રિયા હજુ ચાલુ હોવાનું જાણવા મળ્યું છે.
વંથલીના કનેક્શન અંગે પણ માહિતી સામે આવી
તપાસ દરમિયાન વંથલી સાથે સંકળાયેલા કનેક્શન હેઠળ 10 જેટલા ગેસ સિલિન્ડર (Gas Cylinder Black Marketing) સત્તાવાર રીતે આપવામાં આવતા હોવાની વિગતો પણ સામે આવી છે. જોકે, સમગ્ર વ્યવહારમાં નિયમોનું ઉલ્લંઘન થયું હતું કે કેમ અને કથિત રીતે વધારાના ભાવે સિલિન્ડર કોને અને કેવી રીતે આપવામાં આવતા હતા, તે અંગેની તપાસ હજુ ચાલી રહી છે.
હવે DSOને સોંપાશે તપાસનો અહેવાલ
મામલતદારના જણાવ્યા પ્રમાણે, મંદિર પરિસરમાં ચાલતા કથિત ગેરકાયદેસર વ્યવહારને અટકાવવા માટે મળેલા તમામ સિલિન્ડરો સીઝ કરવામાં આવ્યા છે. સંબંધિત તમામ લોકોના નિવેદનો નોંધવાની પ્રક્રિયા પૂર્ણ થયા બાદ તપાસનો વિગતવાર અહેવાલ જિલ્લા પુરવઠા અધિકારી (DSO)ને મોકલવામાં આવશે.
ત્યારબાદ નિયમો અને કાયદાકીય જોગવાઈઓ પ્રમાણે આગળની કાર્યવાહી કરવામાં આવશે. ધાર્મિક સ્થળના પરિસરમાં ગેસ સિલિન્ડર (Gas Cylinder Black Marketing)ના કથિત ગેરકાયદેસર વેચાણનો મામલો સામે આવતા તંત્રની કાર્યવાહીથી સ્થાનિક સ્તરે પણ ચર્ચા શરૂ થઈ છે. હવે તપાસ પૂર્ણ થયા બાદ કથિત કાળાબજારીમાં અન્ય કોઈ વ્યક્તિની સંડોવણી હતી કે નહીં, સિલિન્ડરનો જથ્થો કયા સ્ત્રોતથી મેળવવામાં આવતો હતો અને સત્તાવાર ભાવ કરતાં વધુ રકમ વસૂલવાના આક્ષેપોમાં કેટલી હકીકત છે, તે સ્પષ્ટ થશે.
આ પણ વાંચો:સુરતના ટેક્સટાઈલ ઉદ્યોગમાં કારીગરોની અછતની ભીતિ, ગેસ સંકટે શ્રમિકોને વતન દોડાવ્યા
આ પણ વાંચો:ગેસ તંગી: રાજકોટ-સુરતમાં ઇન્ડક્શન માટે વેઈટિંગ
આ પણ વાંચો:વડોદરામાં કોમર્શિયલ સિલિન્ડરની અછતથી અનેક હોટલ-રેસ્ટોરન્ટના ઉદ્યોગ ઠપ્પ થવાના આરે
