હાલમાં જ બોલિવૂડ એક્ટ્રેસ કરીના કપૂરની કેટલીક તસવીરો સામે આવી હતી, જેમાં તેના બેબી બમ્પ દેખાતા હતા. જે બાદ સોશિયલ મીડિયા પર એવી ચર્ચાઓ થઈ હતી કે કરીના ત્રીજી વખત માતા બનવા જઈ રહી છે. આ દરમિયાન હવે અભિનેત્રીએ આ અંગે મૌન તોડ્યું છે.
ઇન્સ્ટાગ્રામ પર એક સ્ટોરી શેર કરતી વખતે, કરીનાએ ત્રીજી વખત માતા બનવાની ચર્ચાઓ વિશે વાત કરી છે. તેણે લખ્યું- ‘શાંત રહો, હું ગર્ભવતી નથી. સૈફ કહે છે કે તેણે વસ્તી વધારામાં પહેલાથી જ ઘણું યોગદાન આપી દીધું છે. કરીનાએ હાહાહાનું ઇમોજી પણ બનાવ્યું છે.
અભિનેત્રીની આ પોસ્ટથી સ્પષ્ટ થઈ ગયું છે કે તે માતા બનવાની નથી, અને જે સમાચાર ચાલી રહ્યા છે તે માત્ર અફવા છે. જોકે, આ સમાચાર પર કરીનાએ જે રીતે વાત કરી છે તે ખૂબ જ ફની છે. અને તેના ચાહકો કોમેન્ટ પણ કરી રહ્યાં છે.
ઉલ્લેખનીય છે કે કરીના કપૂર અને સૈફ અલી ખાન બે બાળકોના માતા-પિતા છે. બંનેને બે પુત્રો છે, જેમના નામ તૈમૂર અને જેહ છે. આ બે સિવાય સૈફ અલી ખાનને તેની પહેલી પત્ની અમૃતા સિંહથી બે બાળકો છે, જેમના નામ સારા અલી ખાન અને ઈબ્રાહિમ છે. ઉલ્લેખનીય છે કે સારા અલી ખાન બોલિવૂડની જાણીતી અભિનેત્રી છે અને ચર્ચામાં રહે છે.
કરીનાના વર્ક ફ્રન્ટ વિશે વાત કરીએ, તો આ દિવસોમાં તે આમિર ખાન સાથેની તેની આગામી ફિલ્મ ‘લાલ સિંહ ચઢ્ઢા’ને લઈને સમાચારોમાં છે. આ ફિલ્મ 11મી ઓગસ્ટના રોજ રિલીઝ થઈ રહી છે.
