Karnataka Tumkur H5N1 Alert: કર્ણાટકના (Karnataka)તુમકુર જિલ્લામાં H5N1 વાયરસ એટલે કે એવિયન ઇન્ફ્લુએન્ઝાનો ભયાનક પ્રકોપ જોવા મળ્યો છે. અહીં ટૂંકા ગાળામાં જ 40 થી વધુ મોરના મોત થતા વહીવટીતંત્ર દોડતું થઈ ગયું છે. ડેપ્યુટી કમિશનર સુભા કલ્યાણે આ બાબતની પુષ્ટિ કરતા લોકોને સાવધ રહેવા અપીલ કરી છે.
Karnataka તંત્ર દ્વારા લેવામાં આવેલા કડક પગલાં
કન્ટેનમેન્ટ ઝોન: સંક્રમણના કેન્દ્રથી 10 કિમીના વિસ્તારને કન્ટેનમેન્ટ ઝોન જાહેર કરવામાં આવ્યો છે.
દુકાનો અને ફાર્મ પર નજર: આ વિસ્તારમાં આવેલી 31 પોલ્ટ્રી શોપ અને 10 ફાર્મની ઓળખ કરવામાં આવી છે અને ત્યાં સઘન સર્વેલન્સ હાથ ધરવામાં આવ્યું છે.
રેપિડ રિસ્પોન્સ ટીમ: વાયરસને ફેલાતો અટકાવવા માટે ખાસ ટીમો તૈનાત કરવામાં આવી છે જે સતત દેખરેખ રાખી રહી છે.
નોનવેજ ખાનારાઓ માટે ખાસ સલાહ
પ્રશાસને લોકોને ગભરાવાને બદલે સાવચેતી રાખવા જણાવ્યું છે:
પકવેલું માંસ: માત્ર સારી રીતે પકવેલું, ઉકાળેલું માંસ અને ઈંડા ખાવાની સલાહ આપવામાં આવી છે.
સંપર્કથી બચો: જંગલી પક્ષીઓ કે બીમાર પક્ષીઓના સીધા સંપર્કમાં આવવાનું ટાળવું જોઈએ.
કેટલો ખતરનાક છે H5N1 વાયરસ?
WHO મુજબ, આ વાયરસ મુખ્યત્વે પક્ષીઓમાં ફેલાય છે, પરંતુ દુર્લભ કિસ્સામાં તે માણસોને પણ સંક્રમિત કરી શકે છે.
ઈતિહાસ: આ વાયરસની શરૂઆત 1996 માં થઈ હતી અને 2020 પછી તેનું નવું વેરિઅન્ટ એશિયા, યુરોપ અને આફ્રિકામાં પક્ષીઓના મોતનું કારણ બન્યું છે.
ગંભીરતા: માણસોમાં આ સંક્રમણ ગંભીર બની શકે છે અને તેમાં મૃત્યુ દર પણ ઘણો ઊંચો હોય છે, તેથી સાવધાની રાખવી અનિવાર્ય છે.
નોંધનીય છે કે અગાઉ માર્ચ મહિનામાં બિલાસપુરમાં પણ બર્ડ ફ્લૂને (Karnataka) કારણે અંદાજે 5,500 મરઘીઓના મોત થયા હતા.
આ પણ વાંચો: શું દુનિયામાં નવો વાઇરસ ફેલાઈ રહ્યો છે? જાપાને કેમ રાષ્ટ્રીય મહામારી જાહેર કરી
આ પણ વાંચો: વૈશ્વિક મહામારીને પહોંચી વળવા WHO આંતરરાષ્ટ્રીય નિયમોમાં સુધારા કરશે
આ પણ વાંચો:કોરોના મહામારીની સ્વાસ્થય પર અસર , કેમ વધી રહ્યા છે હાર્ટ અટેકના કેસ ? તજજ્ઞોએ કર્યો ખુલાસો
