શિયાળામાં ભોજનની સાથે જો આવું ચટ્ટાકેદાર અથાણું મળી જાય તો આખી થાળીને સ્વાદ પણ બદલાઈ જાય છે. ત્યારે આવો જાણાવીએ કે ચટ્ટાકેદાર કાઠિયાવાડી લાલ મરચાનું અથાણું બનાવવાની રીત…
કાઠિયાવાડી લાલ મરચાનું અથાણું બનાવવા માટેની સામગ્રી –
૨૫૦ ગ્રામ લાલ મરચાં
૩ ચમચી મેથીનાં કુરિયા
૪ ચમચી રાઈનાં કુરિયા
૩ ચમચી તેલ
૧/૩ ચમચી હીંગ
૨ ચમચી વરિયાળી
૧ ચમચી કાળા મરી
૨ ચમચી હળદર
૩ ચમચી લીંબુનો રસ
સ્વાદાનુસાર મીઠું
કાઠિયાવાડી લાલ મરચાનું અથાણું બનાવવા માટેની રીત –
સૌ પ્રથમ લાલ મરચાંને ધોઈને કોરા કરો. તેને કાપીને ટુકડા કરો તેમાં રહેલા બીજ ખંખેરીને કાઢી નાખો. મેથીનાં કુરિયા, રાઈનાં કુરિયા, વરિયાળી અને કાળા મરીને વારાફરતી મિક્ષરમાં અધકચરા વાટી લો.
એક પહોળા વાસણમાં મેથીનાં કુરિયા ગોળ ફરતા પાથરો એની બહારની બાજુ રાઈનાં કુરિયા પાથરો. તેના પર ૧/૨ ચમચી હીંગ અને મીઠું ઉમેરો. અધકચરી વાટેલી વરિયાળી તથા મરી પાવડર ઉમેરો તેનાથી ખૂબ જ સરસ ટેસ્ટી અથાણું બને છે. એક વઘારીયામાં તેલ ગરમ કરી તેમાં ૧/૪ હીંગ ઉમેરી તેને મેથી-રાઈનાં કુરિયાનાં મિશ્રણ પર રેડો. બરાબર મિક્સ કરીને તેમાં હળદર તથા લીંબુનો રસ ઉમેરી ફીણી લો.
આ અથાણામાં ગોળ ઉમેરશો તો પણ સ્વાદિષ્ટ લાગશે એટલે મસાલો મિક્સ કરતી વખતે થોડો ગોળ ઉમેરી શકાય છે. પછી તેમાં સમારેલા લાલ મરચાં ઉમેરી મિક્સ કરો. તૈયાર અથાણાંને બે દિવસ બહાર રાખો અને દિવસમાં બે વાર હલાવવું.
મેથી-રાઈનાં કુરિયા ફૂલી જાય અને મસાલો સરસ મરચામાં ભળી જાય પછી કાચની બરણીમાં ભરી ફ્રિજમાં સ્ટોર કરો. આ અથાણું જમવાની સાથે તથા થેપલાં, ખાખરા સાથે ખૂબ સ્વાદિષ્ટ લાગે છે. તો તૈયાર છે કાઠિયાવાડી લાલ મરચાનું
