કોરોના કારણે મોસ્ટ અવેટેડ ફિલ્મ ‘KGF ચેપ્ટર 2’ ની રિલીઝ ડેટ મુલતવી રાખવામાં આવી હતી . જે લઈને ફિલ્મના નિર્માતાઓએ ચાહકોની પ્રતીક્ષાનો અંત લાવ્યો છે. સુપરસ્ટાર યશે ખુદ રિલીઝ ડેટ જાહેર કરી છે. આ ફિલ્મ 14 એપ્રિલ 2022ના રોજ થિયેટરોમાં રિલીઝ થશે. યશે સોશિયલ મીડિયા પોસ્ટ શેર કરીને આ વિશે માહિતી આપી છે. આ સાથે, તેણે ચાહકો સાથે ફિલ્મનું નવું પોસ્ટર અને રિલીઝ ડેટ શેર કરી છે.
આ સાથે સંજય દત્તે પણ ફિલ્મ KGF ચેપ્ટર 2 નું પોસ્ટર તેના ઇન્સ્ટાગ્રામ એકાઉન્ટ પર શેર કર્યું છે. ફિલ્મનું પોસ્ટર જોતા ખૂબ જ રસપ્રદ લાગે છે. પોસ્ટરમાં ફિલ્મના તમામ સ્ટાર્સ જોઇ શકાય છે. ફિલ્મના પોસ્ટરમાં રવિના ટંડન, સંજય દત્ત, યશ અને પ્રકાશ રાજ નજરે પડે છે. દરેક વ્યક્તિનું પાત્ર ખૂબ જ તીવ્ર દેખાય છે અને પોસ્ટર સામે આવ્યા બાદ ચાહકોની ઉત્તેજનાનું સ્તર વધુ વધ્યું છે. લોકોને ફિલ્મના પોસ્ટર ખૂબ પસંદ છે.
સંજય દત્તે પોતાની પોસ્ટમાં લખ્યું છે કે, ‘આજની અનિશ્ચિતતાઓ માત્ર અમારા સંકલ્પમાં વિલંબ કરશે તો પણ વચન પ્રમાણે થશે. અમે 14 એપ્રિલ 2022 ના રોજ થિયેટરોમાં આવીશું.’ આ પોસ્ટ આવતાની સાથે જ સોશિયલ મીડિયા પર વાયરલ થઈ ગઈ છે.