ખાલિસ્તાની આતંકવાદી હરદીપ સિંહ નિજ્જરને કેનેડાના Surreyમાં ઠાર કરવામાં આવ્યો છે. નિજ્જરને ગુરુદ્વારા પાસે ગોળી વાગી હતી. હિંસા અને વિધ્વંસક પ્રવૃત્તિઓની અનેક ઘટનાઓમાં સંડોવણી બદલ નિજ્જરને ભારત સરકાર દ્વારા વોન્ટેડ આતંકવાદી જાહેર કરવામાં આવ્યો હતો.
ભારત સરકારે તાજેતરમાં જાહેર કરેલી 41 આતંકવાદીઓની યાદીમાં નિજ્જરનું નામ હતું. NIA (નેશનલ ઇન્વેસ્ટિગેશન એજન્સી) એ 2022માં નિજ્જર પર 10 લાખ રૂપિયાનું ઇનામ જાહેર કર્યું હતું. પંજાબના જલંધરમાં એક હિન્દુ પૂજારીની હત્યા બાદ NIAએ આ કાર્યવાહી કરી છે. નિજ્જર મૂળ પંજાબના જાલંધરના રહેવાસી હતો.
હરદીપ સિંહ નિજ્જર કેટીએફના વડા હતો
પુજારીની હત્યાનું કાવતરું KTF (ખાલિસ્તાન ટાઈગર ફોર્સ) દ્વારા ઘડવામાં આવ્યું હતું. કેનેડામાં રહેતા નિજ્જર KTFના વડા હતા. અગાઉ NIAએ નિજ્જર વિરુદ્ધ ભારત વિરુદ્ધ આતંકવાદી ગતિવિધિઓનું ષડયંત્ર રચવા બદલ ચાર્જશીટ દાખલ કરી હતી.
ગુપ્તચર એજન્સીના સૂત્રોના જણાવ્યા અનુસાર, તે છેલ્લા ઘણા સમયથી કેનેડામાં રહેતો હતો અને ત્યાંથી ભારત વિરુદ્ધ ખાલિસ્તાની આતંકવાદને વેગ આપતો હતો.
નિજ્જર છેલ્લા એક વર્ષમાં ભારતીય તપાસ એજન્સીઓ માટે વધુ મોટો માથાનો દુખાવો બની ગયો હતો કારણ કે તેણે લોરેન્સ બિશ્નોઈ ગેંગના ઓપરેટિવ્સને વિદેશમાં લોજિસ્ટિક્સ અને નાણાં આપવાનું શરૂ કર્યું હતું.
થોડા દિવસો પહેલા ભારત સરકારે હરદીપ સિંહ નિજ્જરને ડેઝિગ્નેટેડ આતંકી જાહેર કર્યા હતા. નિજ્જરના બે સહયોગીઓની થોડા મહિના પહેલા ફિલિપાઈન્સ અને મલેશિયામાંથી ધરપકડ કરવામાં આવી હતી.
જ્યારે ભારતમાં કૃષિ કાયદા વિરુદ્ધ ખેડૂતોનું આંદોલન ચાલી રહ્યું હતું, તે જ સમયે ખાલિસ્તાની સંગઠન શીખ ફોર જસ્ટિસના આતંકવાદીઓએ વિદેશમાં ભારતીય દૂતાવાસોની બહાર પ્રદર્શન કર્યું હતું. આ મામલામાં NIAએ ભારત સરકાર વિરુદ્ધ ભાવનાઓને ભડકાવવા બદલ FIR નોંધી હતી.
આ એફઆઈઆર અનુસાર, ભારત સરકાર વિરૂદ્ધ ગ્રાઉન્ડ કેમ્પેઈન અને પ્રોપેગેન્ડા માટે જંગી રકમ એકત્ર કરવામાં આવી છે, જેમાં વિદેશમાં ભારતીય દૂતાવાસો સામે વિરોધ કરવા લોકોને ઉશ્કેરવાનો સમાવેશ થાય છે. તેમાં ત્રણ આતંકવાદીઓ ગુરપતવંત સિંહ પન્નુન, પરમજીત સિંહ પમ્મા અને હરદીપ સિંહ નિજ્જરના નામ હતા, જ્યારે ચોથી કોલમમાં ભારત સરકાર વિરુદ્ધ કાવતરું ઘડનારા અજાણ્યા આતંકવાદીઓનો સમાવેશ થાય છે.
આ પણ વાંચો:ખુશી માતમમાં ફેરવાઈ : લગ્ન સમારોહમાંથી પરત ફરતી વખતે હોડી પલટી, 103ના મોત
આ પણ વાંચો:આજે ‘બિપરજોય’ પાકિસ્તાન સિંધમાં કેટી બંદર સાથે ટકરાશે, 66000 લોકોને સલામત સ્થળે ખસેડાયા
આ પણ વાંચો: ‘Biporjoy’ની અસર પાકિસ્તાનમાં પણ જોવા મળી, સિંધ પ્રાંતમાં ભારે પવન સાથે વરસાદ
આ પણ વાંચો:ગ્રીસમાં બોટ ઊંધી વળતા 300 પાક માઇગ્રન્ટ્સના મોત
આ પણ વાંચો:મુંબઈ બ્લાસ્ટના મોસ્ટ વોન્ટેડ આતંકવાદી બશીરની કેનેડામાં ધરપકડ,હવે ભારત લાવવામાં આવશે
