ફિલ્મ શેરશાહમાં અભિનેતા સિદ્ધાર્થ મલ્હોત્રા અને અભિનેત્રી કિયારા અડવાણીની કેમેસ્ટ્રીની ખૂબ પ્રશંસા કરવામાં આવી હતી. આ સાથે જ ચર્ચાઓ પણ શરૂ થઈ ગઈ છે કે આ બંને કલાકારો ગુપ્ત રીતે એકબીજાને ડેટ કરી રહ્યા છે. જો કે, બંનેએ ક્યારેય આ અફવાઓ પર પુષ્ટિની મહોર લગાવી નથી. પરંતુ શું તમે જાણો છો કે કિયારા અડવાણી માટે મેરેજ મટીરિયલ બોય કેવો હોઈ શકે? આ વાતનો ખુલાસો અભિનેત્રીએ પોતે એક ઈન્ટરવ્યુમાં કર્યો હતો.
વાસ્તવમાં, કિયારા અડવાણીને તે ઇન્ટરવ્યુમાં પૂછવામાં આવ્યું હતું કે, તે કોની સાથે લગ્ન કરવા માંગે છે? આ દરમિયાન રણબીર કપૂર, સુશાંત સિંહ રાજપૂત અને વરુણ ધવનનો વિકલ્પ આપવામાં આવ્યો હતો. અભિનેત્રીએ જવાબ આપ્યો કે, તે રણબીર કપૂરને મારવા, વરુણ ધવન સાથે સંબંધ બાંધવા અને સુશાંત સિંહ રાજપૂત સાથે લગ્ન કરવા માંગે છે. તેણે તે સમયે સુશાંત સાથે લગ્ન કરવાની ઈચ્છા વ્યક્ત કરી હતી કારણ કે, તેણે ફિલ્મ ‘એમએસ ધોની’માં તેની સાથે લગ્ન કર્યા હતા.
આ પહેલીવાર નથી જ્યારે તેણે પોતાના અંગત જીવન વિશે વાત કરી હોય. એકવાર જ્યારે અભિનેત્રીએ કપિલ શર્મા શોમાં ભાગ લીધો હતો. તે દરમિયાન કપિલે તેને પૂછ્યું હતું કે તે તેના જીવનમાં કેવો પાર્ટનર ઈચ્છે છે અને શું તે છોકરાના પ્રોફેશન પર ધ્યાન આપશે? તો આના પર તેણે જવાબ આપ્યો કે ‘છોકરો એક્ટર હશે તો સારું રહેશે, બધી વસ્તુઓ એકમાં ભળી જશે’. એક્ટ્રેસનો આ જવાબ સાંભળીને બધા ચોંકી ગયા. હવે કિયારાના એક્ટર સિદ્ધાર્થ મલ્હોત્રાને ડેટ કરવાની ચર્ચા જોરમાં છે.
