Not Set/ હત્યા/ પત્નીની હત્યા કરી, 100 કિમી દૂર પાણીપતમાં મૃતદેહ ફેંકી દીધો, 17 દિવસ પછી કેવી રીતે બહાર આવ્યું સત્ય..?  

પોલીસના જણાવ્યા મુજબ પૂછપરછ દરમિયાન પતિએ કહ્યું કે તે તેની પત્નીથી નારાજ છે. પત્નીથી કાયમી છૂટકારો મેળવવાના આશયથી તેણે તેની હત્યા કરી હતી. પશ્ચિમ દિલ્હીના જનકપુરી પોલીસ સ્ટેશન વિસ્તારમાંથી ગુમ થયેલી મહિલાની લાશને પોલીસે પાણીપત (હરિયાણા) માંથી શોધી કાઢી છે. મૃતકની ઓળખ નેન્સી તરીકે થઈ છે. પોલીસના જણાવ્યા મુજબ, મહિલાની ગોળી મારીને હત્યા કરવામાં આવી હતી. આ ઘટનામાં મહિલાનો પતિ અને અન્ય બે આરોપી સામેલ છે. પોલીસે તેના પતિ સહિત ત્રણેયની ધરપકડ કરી છે.

પોલીસના જણાવ્યા અનુસાર નેન્સી જનકપુરીમાં પતિ સાહિલ સાથે રહેતી હતી. નેન્સી અને સાહિલે આ વર્ષે 27 માર્ચે લગ્ન કર્યા હતા, પરંતુ લગ્નના થોડા મહિના પછી બંને વચ્ચે અણબનાવ શરૂ થયો હતો. અહીં 25 નવેમ્બરના રોજ નેન્સીના પિતાએ જનકપુરી પોલીસ સ્ટેશનની પુત્રી ગુમ થયાની જાણ કરી હતી. તેણે પોલીસને જણાવ્યું હતું કે 11 નવેમ્બરથી તેની પુત્રીનો મોબાઇલ ફોન બંધ હતો. તેણે 25 નવેમ્બરના રોજ પોલીસમાં ફરિયાદ કરી હતી. ફરિયાદના આધારે જનકપુરી પોલીસ સ્ટેશનના એસએચઓ અને ઇન્સ્પેક્ટર કાશ્મીરી લાલની આગેવાની હેઠળ રચાયેલી ટીમે તપાસ શરૂ કરી હતી. પોલીસે જ્યારે નેન્સીના પતિ સાહિલની કોલ ડિટેઇલ્સની તપાસ કરી ત્યારે તેને જાણવા મળ્યું કે તે શુભમ નામના વ્યક્તિ સાથે સતત વાત કરતો હતો. તેનું સ્થાન પાણીપતમાં જોવા મળ્યું.

શુભમ વિશે પૂછપરછ કરતાં જાણવા મળ્યું કે તે સાહિલ સાથે કામ કરે છે. ત્યારબાદ પોલીસે શુભમ અને સાહિલની પૂછપરછ કરી હતી. અને પોલીસ પૂછપરછમાં માહિતી મળી હતી કે, તેઓએ નેન્સીને ગોળી મારી હતી અને પાનીપત રિફાઇનરી નજીક રસ્તાની બાજુમાં લાશ ફેંકી હતી. આરોપીની પૂછપરછ કર્યા બાદ પોલીસને આ કેસમાં ત્રીજા વ્યક્તિ વિશે જાણ થઈ હતી. તેનું નામ બાદલ છે. ત્રણેય પોલીસને મળેલી બાતમીના આધારે પાણીપત રિફાઇનરી નજીક રસ્તાની બાજુના ખેતરમાંથી લાશ મળી આવી હતી. પોલીસના જણાવ્યા મુજબ લગભગ 17 દિવસ સુધી લાશ ખેતરમાં પડી હતી.

પોલીસે જણાવ્યું હતું કે, સાહિલે પોલીસથી બચવા માટે મીંવાલી નગર પોલીસ મથકમાં નેન્સી ગુમ થયાની ફરિયાદ નોધાવી હતી. સાહિલે પોલીસને જણાવ્યું હતું કે નેન્સી રેડ લાઇટ નજીક કારમાંથી નીચે ઉતરી હતી અને ગાયબ થઈ ગઈ હતી. પોલીસના જણાવ્યા મુજબ પૂછપરછ દરમિયાન સાહિલે જણાવ્યું હતું કે તે નેન્સીથી નારાજ હતો. પત્નીથી  કાયમી છૂટકારો મેળવવાના આશયથી તેણે તેની હત્યા કરી હતી. પોલીસના જણાવ્યા અનુસાર, આ કેસમાં હથિયાર અને લાશને ઠેકાણે પાડવા માટે વપરાયેલી કારની રિકવરી હજી બાકી છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.