મુંબઈઃ ઇન્ડિયન પ્રીમિયર લીગ (આઈપીએલ) 2024 માટે હવે વધુ સમય બાકી નથી. IPL 2024માં 10 ટીમો ભાગ લઈ રહી છે. આ 10 ટીમોના કેપ્ટનમાંથી કોનો પગાર સૌથી વધુ છે અને કોનો પગાર સૌથી ઓછો છે? લખનૌ સુપર જાયન્ટ્સનો કેપ્ટન કેએલ રાહુલ IPL 2024નો સૌથી મોંઘો કેપ્ટન હશે, જ્યારે સનરાઈઝર્સ હૈદરાબાદ પાસે સૌથી સસ્તો કેપ્ટન છે. જોકે, સનરાઈઝર્સ હૈદરાબાદ આઈપીએલ 2024ની શરૂઆત પહેલા નવા કેપ્ટનની જાહેરાત પણ કરી શકે છે. હાલમાં, સનરાઇઝર્સ હૈદરાબાદના કેપ્ટન એઇડન માર્કરામ છે, જેનો પગાર 2.6 કરોડ રૂપિયા છે. IPL 2024ના કેપ્ટનોમાં લખનૌ સુપર જાયન્ટ્સના કેપ્ટન કેએલ રાહુલની સેલેરી સૌથી વધુ છે. કેએલ રાહુલનો પગાર 17 કરોડ રૂપિયા છે. બીજા સ્થાને દિલ્હી કેપિટલ્સનો કેપ્ટન ઋષભ પંત છે, પંતની સેલેરી 16 કરોડ રૂપિયા છે.

દિલ્હી કેપિટલ્સના કોચ રિકી પોન્ટિંગે ઋષભ પંતની વાપસીને લઈને નિવેદન આપ્યું છે, પરંતુ તેણે એમ પણ કહ્યું છે કે જો પંત કેપ્ટનશિપ માટે તૈયાર નથી, તો ડેવિડ વોર્નર દિલ્હી કેપિટલ્સની કમાન સંભાળશે. પોન્ટિંગે કહ્યું કે પંતને પૂરો વિશ્વાસ છે કે તે આખી IPL 2024 રમશે.

આ વખતે હાર્દિક પંડ્યા રોહિત શર્માની જગ્યાએ મુંબઈ ઈન્ડિયન્સની કેપ્ટનશીપ કરતો જોવા મળશે. હાર્દિક અગાઉ ગુજરાત ટાઇટન્સનો કેપ્ટન હતો, પરંતુ તે મુંબઈ ઈન્ડિયન્સ સાથે તમામ રોકડ સોદા સાથે મુંબઈ ઈન્ડિયન્સની ટીમમાં પાછો ફર્યો છે. ચાલો એક નજર કરીએ કઈ ટીમના કેપ્ટનનો પગાર.

ચેન્નાઈ સુપર કિંગ્સ, એમએસ ધોની, 12 કરોડ

મુંબઈ ઈન્ડિયન્સ, હાર્દિક પંડ્યા, 15 કરોડ

કોલકાતા નાઈટ રાઈડર્સ, શ્રેયસ અય્યર, 12.25 કરોડ

રોયલ ચેલેન્જર્સ બેંગ્લોર, ફાફ ડુ પ્લેસિસ, રૂ. 7 કરોડ

લખનૌ સુપર જાયન્ટ્સ, કેએલ રાહુલ, 17 કરોડ

ગુજરાત ટાઇટન્સ, શુભમન ગિલ, 8 કરોડ

દિલ્હી કેપિટલ્સ, ઋષભ પંત, 16 કરોડ

પંજાબ કિંગ્સ, શિખર ધવન, 8.25 કરોડ

રાજસ્થાન રોયલ્સ, સંજુ સેમસન, 14 કરોડ

સનરાઇઝર્સ હૈદરાબાદ, એઇડન માર્કરામ, 2.6 કરોડ