આજે ODI વર્લ્ડ કપ 2023માં કોલકાતાના ઈડન ગાર્ડન્સ મેદાન પર ભારત અને દક્ષિણ આફ્રિકા વચ્ચે મેચ રમાઈ હતી. આ મેચમાં ભારતીય ટીમે પ્રથમ બેટિંગ કરતા 50 ઓવરમાં 5 વિકેટ ગુમાવીને 326 રન બનાવ્યા હતા. હવે દક્ષિણ આફ્રિકાને આ મેચ જીતવા માટે 327 રન બનાવવાના હતા.આફ્રિકા માત્ર 83 રન પર ઓલઆઉટ થઇ ગઇ હતી. આ મેચમાં સાઉથ આફ્રિકાનો ફાસ્ટ બોલર માર્કો યાન્સન ઘણો મોંઘો સાબિત થયો છે. જે બાદ વર્લ્ડ કપ 2023માં તેના નામે એક શરમજનક રેકોર્ડ નોંધાયો છે.
આ મેચમાં ભારતીય બેટ્સમેનોએ માર્કો યાન્સન ખરાબ રીતે ફટકાર્યો હતો. માર્કોએ મેચમાં 9.4 ઓવર ફેંકી હતી, જે દરમિયાન તેણે 94 રન આપ્યા હતા. આ મેચમાં તેની ખરાબ બોલિંગ પહેલી જ ઓવરથી જોવા મળી હતી. માર્કોએ પહેલી જ ઓવરમાં 17 રન આપ્યા હતા. માર્કોએ 9.4 ઓવરમાં 11 વાઈડ બોલ ફેંક્યા.આ પહેલીવાર નથી જ્યારે તેણે એક જ મેચમાં આટલા રન આપ્યા હોય. આ પહેલા આ જ વર્લ્ડ કપમાં શ્રીલંકા સામેની મેચમાં માર્કો જેનસેને 10 ઓવરમાં 92 રન આપ્યા હતા. માર્કો જેન્સન હવે વર્લ્ડ કપની એક જ સીરિઝમાં સૌથી વધુ રન આપનાર દક્ષિણ આફ્રિકાનો બોલર બની ગયો છે.
