મોદી સરકાર જમ્મુ કાશ્મીર બાદ વધુ એક ઐતિહાસિક નિર્ણય લેવા જઈ રહી છે. બે કેન્દ્રશાસિત પ્રદેશો – દમણ અને દીવ, દાદરા અને નગર હવેલીને એક કેન્દ્ર શાસિત પ્રદેશ બનાવવા જઈ રહી છે. બંને કેન્દ્રશાસિત પ્રદેશોને જોડીને, હવે એક કેન્દ્રશાસિત પ્રદેશ બનાવવામાં આવશે.
કેન્દ્રીય મંત્રી અર્જુન મેઘવાલે કહ્યું કે આ હેતુ માટેનું બિલ આવતા અઠવાડિયે લોકસભામાં રજૂ કરવામાં આવશે. જમ્મુ-કાશ્મીરને બે કેન્દ્રશાસિત પ્રદેશો જમ્મુ-કાશ્મીર અને લદ્દાખમાં વહેંચવાના નિર્ણયના ત્રણ મહિના બાદ સરકારે આ પગલું ભર્યું છે. લોકસભામાં અર્જુન મેઘવાલે કહ્યું હતું કે, દાદરા અને નગર હવેલી અને દમણ અને દીવ (કેન્દ્ર શાસિત પ્રદેશોના વિધેયક) બિલ 2019 ને આગામી અઠવાડિયા માટે સૂચવવામાં આવ્યું છે.
અધિકારીઓએ જણાવ્યું હતું કે, ગુજરાત નજીક પશ્ચિમ દરિયાકાંઠે સ્થિત આ બંને કેન્દ્રશાસિત પ્રદેશોનું મર્જર વધુ સારી કામગીરી અને વિવિધ કાર્યોના ડુપ્લિકેશનના હેતુથી કરવામાં આવી રહ્યું છે. બંને કેન્દ્ર શાસિત પ્રદેશોનું અંતર ફક્ત 35 કિ.મી. છે પરંતુ બંને સ્થાનો પર અલગ અલગ બજેટ અને અલગ સચિવાલય છે. દાદરા અને નગરહવેલીમાં એક જ જિલ્લા છે જ્યારે દમણ અને દીવમાં બે જિલ્લા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
