વાઘ લગભગ 50 વર્ષથી ભારતનું રાષ્ટ્રીય પ્રાણી છે. અગાઉ વાઇલ્ડ લાઇફ બોર્ડે 1969માં સિંહને દેશનું રાષ્ટ્રીય પ્રાણી જાહેર કર્યું હતું. પરંતુ પાછળથી 1972માં વાઘને રાષ્ટ્રીય પ્રાણી જાહેર કરવામાં આવ્યો. પરંતુ વર્ષ 2015માં ફરી એકવાર એવી અટકળો ચાલી રહી હતી કે કેન્દ્ર સરકાર વાઘ પાસેથી આ દરજ્જો છીનવીને સિંહને ફરીથી રાષ્ટ્રીય પ્રાણીનો દરજ્જો આપી શકે છે. જો કે, ત્યારબાદ ઘણા સંગઠનોએ તેનો વિરોધ કર્યો હતો અને સરકારને આવા કોઈપણ પ્રસ્તાવને તાત્કાલિક નકારી કાઢવાની માંગ કરી હતી. જો કે, ચાલો તસવીરો થકી જાણીએ કે સિંહને બદલે વાઘને રાષ્ટ્રીય પ્રાણી કેમ બનાવવામાં આવ્યો.
ભારતમાં રાષ્ટ્રીય પ્રાણી પ્રથમ સિંહ હતું, પરંતુ 1972 માં, સિંહની જગ્યાએ રોયલ બંગાળ ટાઈગરે દેશના રાષ્ટ્રીય પ્રાણીનો દરજ્જો મેળવી લીધો હતો.
જો કે, ઝારખંડના રાજ્યસભા સાંસદ પરિમલ નથવણી ઈચ્છતા હતા કે, સિંહને ફરીથી રાષ્ટ્રીય પ્રાણી બનાવવા આ માટે તેમણે 2015માં કેન્દ્ર સરકારને પ્રસ્તાવ પણ મોકલ્યો હતો.
પરિમલ નથવણીએ આ પ્રસ્તાવને પર્યાવરણ મંત્રાલય હેઠળ કાર્યરત નેશનલ બોર્ડ ફોર વાઈલ્ડ લાઈફને મોકલ્યો હતો, પરંતુ આ પ્રસ્તાવ આગળ વધ્યો નહોતો.
નિષ્ણાતો માને છે કે એશિયાટીક સિંહ પૂર્વમાં ભારતની વિશેષ ઓળખ રહી હોવી જોઈએ. અશોક સ્તંભ પર પણ સિંહો જોવા મળે છે. ત્યારબાદ સિંહો ગુજરાત, હરિયાણા, દિલ્હી, ઝારખંડ, મધ્યપ્રદેશ અને છત્તીસગઢમાં ફેલાયેલા હતા.
પાછળથી, તેમના રહેઠાણના સ્થળો ધીમે ધીમે ઘટતા ગયા. હવે સિંહો ગુજરાતના ગીરવનમાં જ જોવા મળે છે. બીજા રાજ્યોમાં મળે તો પણ ઝૂમાં જ જોવા મળે છે.
જ્યારે રોયલ બંગાળ ટાઇગર આજે વિશ્વમાં મહત્વપૂર્ણ માનવામાં આવે છે. વાઘ એક સમયે લુપ્ત થવાના આરે હતા, પરંતુ સંરક્ષિત શ્રેણીમાં આવ્યા પછી, સંખ્યા વધી અને હવે તેઓ 16 રાજ્યોમાં હાજર છે.
મધ્યપ્રદેશને વાઘ રાજ્ય તરીકે પણ ઓળખવામાં આવે છે. લગભગ 50 વર્ષ પહેલા વાઘને રાષ્ટ્રીય પ્રાણીનો દરજ્જો અપાયા બાદ શરૂ થયેલો આ પ્રયાસ હવે સફળ રહ્યો છે.
નિષ્ણાતોના મતે વાઘને રાષ્ટ્રીય પ્રાણી જાહેર કરવાનો હેતુ એ પણ હતો કે આ મોટા પ્રાણીને કોઈપણ સ્થિતિમાં બચાવી શકાય.
બિલાડીની 36 થી વધુ પ્રજાતિઓ છે અને વાઘને સૌથી મોટી બિલાડી માનવામાં આવે છે. જો આપણે બંગાળના વાઘનું કદ જોઈએ તો તે સિંહ કરતા પણ મોટું છે.
બંગાળના વાઘ ટોળામાં રહેતા નથી. તેમને એકલા રહેવું ગમે છે. એક જમાનામાં રાજા-મહારાજા સિંહોનો શિકાર કરવાને પોતાનું ગૌરવ માનતા હતા, પરંતુ આ વાત અને યુગ હવે પૂરો થઈ ગયો છે.
આ પણ વાંચો: ..તો આ કારણે થયું દિશા પટણી અને ટાઇગર શ્રોફનું બ્રેકઅપ
આ પણ વાંચો: 22મી કોમનવેલ્થ ગેમ્સની ઓપનિંગ સેરેમની, PM મોદીએ ભારતીય ખેલાડીઓને પાઠવી શુભેચ્છા
આ પણ વાંચો:Whatsapp લાવી રહ્યું છે Kept Messages ફીચર, એન્ડ્રોઈડ અને iOSમાં થશે રિલીઝ
