Not Set/ લોકસભા ચૂંટણીના ત્રીજા તબક્કામાં દેશભરમાં સરેરાશ 66.27 ટકા મતદાન, આસામમાં સર્વાધિક 80.75 % મતદાન

દેશભરમાં મંગળવારે ગુજરાત અને કેરળ સહિત કુલ 15 રાજ્યોની 116 બેઠકો માટે મતદાન સંપન્ન થયું છે. ત્રીજા તબક્કામાં દેશભરમાં ચૂંટણીપંચની સત્તાવાર એપ વોટર ટર્નઆઉટના આંકડાઓ અનુસાર કુલ 66.27 ટકા મતદાન નોંધાયું છે. આજે સંપૂર્ણ દિવસના મતદાન દરમિયાન અનેક જગ્યાએ ઇવીએમ ખોટકાઇ જવાની ફરિયાદ મળી હતી. તે ઉપરાંત પશ્વિમ બંગાળમાં અનેક જગ્યાએ હિંસાના બનાવો બન્યા હતા. […]

Top Stories

દેશભરમાં મંગળવારે ગુજરાત અને કેરળ સહિત કુલ 15 રાજ્યોની 116 બેઠકો માટે મતદાન સંપન્ન થયું છે. ત્રીજા તબક્કામાં દેશભરમાં ચૂંટણીપંચની સત્તાવાર એપ વોટર ટર્નઆઉટના આંકડાઓ અનુસાર કુલ 66.27 ટકા મતદાન નોંધાયું છે. આજે સંપૂર્ણ દિવસના મતદાન દરમિયાન અનેક જગ્યાએ ઇવીએમ ખોટકાઇ જવાની ફરિયાદ મળી હતી. તે ઉપરાંત પશ્વિમ બંગાળમાં અનેક જગ્યાએ હિંસાના બનાવો બન્યા હતા. મુર્શિદાબાદમાં પણ ભાજપ અને ટીએમસીના કાર્યકરો વચ્ચે થયેલી અથડામણમાં વોટિંગ માટે લાઇનમાં ઉભેલા એક વોટરનું મોત નિપજ્યું હતું. એ સિવાય અન્ય એક બૂથ પાસે અજ્ઞાત લોકોએ બોમ્બ ફેંક્યો હતો. ત્રીજા તબક્કામાં આસામમાં સર્વાધિક 80.75 ટકા મતદાન નોંધાયું છે. જમ્મુ કશ્મીરમાં સૌથી ઓછું માત્ર 12.86 ટકા મતદાન થયું હતું.

લોકસભા ચૂંટણીના ત્રીજા તબક્કામાં વડાપ્રધાન નરેન્દ્ર મોદી, અમિત શાહ, એલ કે અડવાણી, અરુણ જેટલી, મનમોહન સિંહ, પી વિજયન, ધર્મેન્દ્ર પ્રધાન જેવા દિગ્ગજ નેતા ઉપરાંત સામાજિક કાર્યકર્તા અણ્ણા હજારે, અભિનેતા મોહનલાલ સહિતના લોકોએ તેના મતાધિકારનો ઉપયોગ કર્યો હતો.

ચૂંટણીપંચની સત્તાવાર એપ વોટર ટર્નઆઉટના મતદાનના આંકડાઓ પ્રમાણે દેશમાં લોકસભા ચૂંટણીના ત્રીજા તબક્કામાં 66.27 ટકા મતદાન નોંધાયું છે.

ક્યાં રાજ્યમાં કેટલું મતદાન

 રાજ્ય                  મતદાન

આસામ                80.75 ટકા

બિહાર                  59.97 ટકા

ગોવા                  73.88 ટકા

ગુજરાત                63.71 ટકા

જમ્મુ-કશ્મીર           12.86 ટકા

કર્ણાટક                 67.71 ટકા

કેરળ                   72.95 ટકા

મહારાષ્ટ્ર               59.74 ટકા

ઓરિસ્સા               62.49 ટકા

ત્રિપુરા                 79.92 ટકા

ઉત્તર પ્રદેશ            61.40 ટકા

પશ્વિમ બંગાળ         80.25 ટકા

છત્તિસગઢ             68.41 ટકા

દાદરા અને નગરહવેલી           79.59 ટકા

દમણ અને દીવ       71.82 ટકા

ભાજપ અધ્યક્ષ અમિત શાહ, કોંગ્રેસ અધ્યક્ષ રાહુલ ગાંધી સહિત અનેક કેન્દ્રીય મંત્રીઓના ભાવિનો ફેંસલો આ ચરણના મતદાનથી થવાનો છે. મતદાન શરૂ થયા બાદ અમદાવાદથી વોટિંગ કર્યા બાદ પ્રધાનમંત્રી નરેન્દ્ર મોદીએ વોટર આઇડીને લોકતંત્રની તાકાત બતાવી હતી.

ગુજરાતની 26, કેરળની 20 બેઠકો ઉપરાંત કર્ણાટક અને મહારાષ્ટ્રની 14-14, અસમની 4, બિહારની 5, છત્તીસગઢની 7, ઓરિસ્સાની 6, ઉત્તર પ્રદેશની 10, પશ્વિમ બંગાળની 5, ગોવાની 2 અને દાદરા અને નગર હવેલી, દમણ અને દીવ તેમજ ત્રિપુરાની 1-1 બેઠક માટે મતદાન થયું હતું.

દેશના અનેક બુથ પર મતદારોની લાંબી કતારો લાગી હતી જેમાં મતદારોનો ઉત્સાહ સ્પષ્ટપણે જોઇ શકાતો હતો. મતદારોમાં અનેક મહિલાઓ, વરિષ્ઠ નાગરિકો અને પહેલી વાર મતદાન કરનારા મતદારોએ તેના મતાધિકારનો ઉપયોગ કર્યો હતો.

અનેક જગ્યાએ ઇવીએમમા તકનિકી ક્ષતિઓ પણ નોંધાઇ હતી પરંતુ ત્યારબાદ ગરબડ ઠીક થયા બાદ મતદાન પૂર્વવત થયું હતું. ગુજરાતના એક ચૂંટણી અધિકારીએ જણાવ્યું હતું કે કેટલાક બૂથો પર ઇવીએમમાં ખરાબી જોવા મળી હતી. દેશભરમાં ગરમીનો પારો ઉચો રહેવા છતાં મતદારોની લાંબી કતાર જોવા મળી હતી.

આ સિવાય અનેક જગ્યાએ અથડામણ અને મારામારીની ઘટના પણ થઇ હતી. જેમા મુર્શિદાબાદમાં ટીએમસીના ત્રણ કાર્યકરો પર બોમ્બ ફેંકાતા તેઓ ઇજાગ્રસ્ત થયા હતા. તે સિવાય મોરાદાબાદમાં પણ ભાજપના કાર્યકરોએ બૂથ પર ફરજ બજાવી રહેલા કર્મીની ધોલાઇ કરી હતી. તે સિવાય ભાજપના કાર્યકરોએ પ્રજ્ઞા સિંઘ ઠાકુરના રોડ શોમાં કાળો ઝંડો લઇને વિરોધ કરી રહેલા એનસીપીના કાર્યકરની ધોલાઇ કરી હતી. બીજેબેહરા પોલિંગ બૂથ પર પણ અથડામણ થઇ હતી.

દેશભરની દિવસ દરમિયાનની મતદાનની અપડેટ્સ

ઓરિસ્સાના કેન્દ્રપારા લોકસભા બેઠકના ઉમેદવાર બેજયન્ત જય પાન્ડાએ ભુવનેશ્વરમાં વોટિંગ કર્યું હતું

ગુજરાતના જુનાગઢમાં આવેલા ગીરના જંગલમાં માત્ર એક મતદાર માટે પોલિંગ બૂથ રખાયું છે. આ એકમાત્ર મતદાર ભરતદાસ બાપુએ કહ્યું હતું કે “સરકાર એક મત માટે આ પોલિંગ બૂથ પર ખર્ચ કરે છે. મે મતદાન કર્યું છે અને હું દર ચૂંટણીમાં અચૂકપણે મતદાન કરું છુ. હું દેશના દરેક નાગરિકને સંપૂર્ણ મતદાન માટે અપીલ કરું છું.”

કર્ણાટકના ભૂતપૂર્વ મુખ્યમંત્રી અને બીજેપી નેતા જગદીશ શેટ્ટારે હુબાલી ખાતે વોટિંગ કર્યું હતું

થિરુવનંથપુરમના વટ્ટીયુરકાવુ ખાતે અબિન બાબુ નામના મતદારે વીવીપેટ મશીન અંગે ખોટી ફરિયાદ કરતા તેની ધરપકડ કરાઇ હતી. તેને દાવો કર્યો હતો કે વીવીપેટમાં તેનો મત તેને કરેલા મત કરતા વિરુદ્વ અન્ય ઉમેદવારને ગયો હતો.

બીજેપીના ઉમેદવાર વરુણ ગાંધીએ પિલીભીત મતવિસ્તારની મુલાકાત લીધી હતી અને સમર્થકો સાથે સેલ્ફી પણ પડાવી હતી

મહારાષ્ટ્રના પૂણે ખાતે એક કન્યાએ તેના લગ્ન પહેલા મતદાન કરીને તેને રાષ્ટ્રીય ફરજ ગણાવી હતી

ઓરિસ્સાના કન્ટાપા ગામ ખાતે મતદાન મથક પર ફરજ બજાવી રહેલા કર્મચારીનું ફરજ દરમિયાન હાર્ટ એટેકથી નિધન થયુ હતું

પીપલ્સ ડેમોક્રેટિક પાર્ટીના કાર્યકરોએ બોગસ વોટિંગનો આરોપ કરીને નેશનલ કોન્ફરન્સ પોલિંગ એજન્ટને માર માર્યો હતો

સમાજવાદી પાર્ટીના નેતા અને SP-BSP-RLD ના ઉમેદવાર આઝમખાન અને તેના પુત્ર અબ્દુલ્લા આઝમખાને વોટિંગ કર્યું હતું

ભારતના ભૂતપૂર્વ વડાપ્રધાન મનમોહન સિંહે આસામના દિસપુરથી વોટિંગ કર્યું હતું

સાધ્વી પ્રજ્ઞા સિંઘ ઠાકુરના રોડ શો દરમિયાન એનસીપીના કાર્યકરે પ્રજ્ઞા સિંઘ ઠાકુર સામે કાળો ઝંડો ફરકાવતા બબાલ થતા ભાજપના કાર્યકરોએ એનસીપીના કાર્યકર સાથે મારપીટ કરી હતી

નાણાંમંત્રી અને બીજેપી નેતા અરુણ જેટલીએ અમદાવાદમાં વોટિંગ કર્યું હતું

ભાજપના વરિષ્ઠ નેતા એલ કે અડવાણીએ અમદાવાદની શાહપૂર હિન્દી સ્કૂલમાં વોટિંગ કર્યું હતું.

મધ્યપ્રદેશના ભોપાલમાં ભાજનાપ ઉમેદવાર પ્રજ્ઞા સિંઘ ઠાકુરનો રોડ શો યોજાયો હતો

કેરળના કન્નુરમાં આવેલા કન્ડાકાઇ વોટિંગ બૂથ પર સાપ નીકળ્યો હતો, જો કે સાપને પક્ડયા બાદ મતદાન પ્રક્રિયા પૂર્વવત થઇ છે

કોંગ્રેસના સીનિયર નેતા અને ગુરબર્ગા બેઠકના ઉમેદવાર મલ્લિકાર્જૂન ખારગેએ વોટિંગ કર્યું હતું.

ગોઆના મુખ્યમંત્રી પ્રમોદ સાંવત અને તેના પત્ની સુલક્ષણા સાંવતે મતદાન કર્યું હતું

ફિલ્મ અભિનેતા સની દેઓલ ભાજપમાં જોડાયા છે

અભિનેતા મમોત્તી અને મોહનલાલ પણ વોટિંગ માટે પહોંચ્યા હતા

સામાજિક કાર્યકર્તા અન્ના હજારેએ રાલેગાવ સિદ્વિ વિસ્તારમાં તેનો કિંમતી વોટ આપ્યો હતો

મોરાદાબાદમાં ભાજપના કાર્યકરોએ ચૂંટણી અધિકારીની ધોલાઇ કરી હતી. આરોપ હતો કે તે મતદારોને સમાજવાદી પાર્ટીને વોટ આપવા માટે અપીલ કરી રહ્યો હતો

મુર્શિદાબાદમાં ટીએમસીના ત્રણ કાર્યકરો તેના પર ફેંકાયેલા ક્રૂડ બોમ્બને કારણે ઇજાગ્રસ્ત થયા હતા

માલ્ડાની કોટવાલી સ્કૂલમાં એક પુત્ર તેની 87 વર્ષની વૃદ્વ માતાને મત આપવા માટે લઇને આવ્યો હતો

રાજકોટમાં ગુજરાતના મુખ્યમંત્રી વિજય રૂપાણીએ તેના પત્ની અંજલી સાથે વોટિંગ કર્યું હતું

વડાપ્રધાન નરેન્દ્ર મોદીએ અમદાવાદમાં તેનો કિંમતી વોટ આપ્યા બાદ કહ્યું હતું કે આતંકવાદનું શસ્ત્ર IED છે જ્યારે વોટર આઇડી એ લોકશાહીની તાકાત છે

More Posts

Not Set/ ઓસ્ટ્રેલિયામાં ઓમીક્રોન વેરિયન્ટની એન્ટ્રી,2 મુસાફરો પોઝિટિવ

mustak malik

Not Set/ અમદાવાદ : ગર્લફ્રેન્ડ હોવા છતાં નેવીના ઓફિસરે યુવતીને ગર્ભવતી કરી,દુષ્કર્મની થઈ ફરિયાદ

Maya Sindhav

Not Set/ હિંમત આજે પણ તેટલી જ છે, જીવવાની રીત બદલી છે, નખરા નહી : તેજ પ્રતાપ યાદવ

foram patel

Rajkot News/ સાગઠિયાની જેલમાંથી પણ ગઠિયાબાજી, બહેને જેલમાં આપી ચિઠ્ઠી

jani

Not Set/ લોકો ડરમાં, તાલિબાનીઓ મોજમાં, જુઓ આ આતંકીઓનો થીમ પાર્કમાં મજા માણતો વીડિયો

hardik shah

Kashmir/ આતંકનાં આકા મસૂદ અઝહરના ભાઈના મળતીયાઓ હતા નગરોટામાં માર્યા ગયેલા 4 આતંકવાદી

Bhavesh Vyas
One more Farmer has committed suicide in Amreli

Not Set/ અમરેલી જિલ્લામાં વધુ એક ખેડૂતે ગળાફાંસો ખાઈ કર્યો આપઘાત

harshjit jani

Not Set/ અયોધ્યા કેસ/ ચોંકી જશે દેશ અને દુનિયા, જો સુન્ની વક્ફ બોર્ડ કરશે આવું, સાંજે 5 વાગ્યા સુધી SC સાંભળશે દલીલો

hardik shah

Ahmedabad News/ અમદાવાદના શેલામાં મહિલાને શસ્ત્રની ધાક બતાવી દાગીનાની લૂંટ

Nikunj Patel

ODI World Cup 2023/ ટીમ ઈન્ડિયાના 19 ખેલાડીઓની યાદી તૈયાર, આમાંથી પસંદગી કરશે 15 અંતિમ ખેલાડીઓની!

Maya Sindhav