મધ્યપ્રદેશનાં મુખ્યમંત્રી કમલનાથનાં ભત્રીજા રતુલ પુરીને એન્ફોર્સમેન્ટ ડિરેક્ટોરેટ દ્વારા બેંક કૌભાંડનાં આરોપમાં ધરપકડ કરવામાં આવી છે. પુરીની 354 કરોડ રૂપિયાનાં બેંક ફ્રોડ કેસમાં સંડોવણી હોવાના આરોપસર ધરપકડ કરવામાં આવી છે. ઇડીએ બેંકની છેતરપિંડીનાં કેસમાં મોસર બેરનાં ભૂતપૂર્વ એક્ઝિક્યુટિવ ડિરેક્ટર રતુલ પુરી અને અન્યની ધરપકડ કરી છે.

સીબીઆઈએ આ મામલામાં રતુલ પુરી અને અન્ય લોકો વિરુદ્ધ સેન્ટ્રલ બેંક ઓફ ઈન્ડિયા વતી નોંધાયેલા 354 કરોડ રૂપિયાનાં બેંક કૌભાંડ કેસમાં કેસ નોંધ્યો હતો. આ કેસમાં સીબીઆઈએ શનિવારે કેસ નોંધ્યો હતો અને મંગળવારે સવારે એન્ફોર્સમેન્ટ ડિરેક્ટોરેટ દ્વારા રતુલ પુરીની ધરપકડ કરવામાં આવી હતી. સીબીઆઈએ જેના પર કેસ દાખલ કર્યો હતો, તેમા પુરી ઉપરાંત તેના પિતા અને મેનેજિંગ ડિરેક્ટર દિપક પુરી, ડિરેક્ટર નીતા પુરી, સંજય જૈન અને વિનીત શર્મા શામિલ છે. રતુલ પુરીની માતા નીતા પુરી મધ્યપ્રદેશનાં મુખ્યમંત્રી કમલનાથની બહેન છે અને રતુલ પુરી કમલનાથનાં ભાણીયા છે. આ કેસ સેન્ટ્રલ બેન્ક ઓફ ઈન્ડિયાની ફરિયાદ પર નોંધવામાં આવ્યો હતો જેમાં જણાવાયું છે કે, બેંકે ફરિયાદમાં આરોપ લગાવ્યો હતો કે કંપની વિવિધ બેંકોમાંથી 2009 થી લોન લેતી રહી હતી અને અનેક વખત ચુકવણીની શરતોમાં ફેરફાર કરી ચુકી છે.

એન્ફોર્સમેન્ટ ડિરેક્ટોરેટે કોર્ટને કહ્યું હતું કે, મધ્યપ્રદેશનાં મુખ્યમંત્રી કમલનાથનાં ભત્રીજા રતુલ પુરી 3,6૦૦ કરોડનાં અગસ્તા વેસ્ટલેન્ડ હેલિકોપ્ટર કૌભાંડથી સંબંધિત મની લોન્ડરિંગ કેસમાં શામેલ થવાથી બચી રહ્યા છે. ઇડીએ વિશેષ ન્યાયાધીશ અરવિંદ કુમારની સમક્ષ આ આરોપો લગાવ્યા હતા, જે પુરીની અરજીની સુનાવણી કરી રહ્યા હતા, જેના દ્વારા તેમણે તેમની વિરુદ્ધ બિનજામીનપાત્ર વોરંટ રદ્દ કરવાની વિનંતી કરી હતી.

તપાસ એજન્સીએ પુરીની અરજીનો વિરોધ કર્યો હતો અને કહ્યું હતું કે, તેમણે રવિવાર અને સોમવાર સહિતનાં અનેક સમયે પુરીને બોલાવ્યા હતા, પરંતુ તે હાજર થયા ન હતો. પુરીનાં વકીલે દાવો કર્યો હતો કે, એજન્સી પુરી પ્રત્યે નિષ્પક્ષ રહી નથી, જે તપાસમાં સહકાર આપવા માંગતી હતી.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.