બનાસકાંઠા લોકસભા સીટની વાત કરીએ તો અહીનાં રાજકીય ગણિત હંમેશા ધારણા કરતા જુદાં જોવા મળે છે. મતદાતાનાં મન કડવા પણ એટલા જ કઠીન છે. અહી હાલનાં સાંસદ ભાજપનાં   હરિભાઈ ચૌધરી છે. અહી વડગામ તાલુકો તેમજ પાલનપુર તાલુકાનાં અમુક ગામ પાટણ જીલ્લામાં આવે છે. ખુદ હરિભાઈ ચૌધરી જે ભાજપ બનાસકાંઠાનાં સાંસદ છે તેમનું જગાણા ગામ પણ પાટણ લોકસભામાં આવે છે. અને તે પોતે પાટણ લોકસભામાં મતદાન કરે છે. અહી આવતી વિધાનસભા બેઠકમાં વાવ, થરાદ, ધાનેરા, દાંતા (આદિવાસી અનામત બેઠક), પાલનપુર, ડિસા અને દિયોદર છે. બનાસકાંઠા લોકસભાનું જાતિવાદી ગણીતની વાત કરવામાં આવે તો 15  ટકા ઠાકોર 15 ટકા આંજણા ચૌધરી, 12 ટકા આદિવાસી (દાંતા), 8 ટકા પાટીદારો (પાટીદારો અને ડિસામાં), 12 ટકા સવર્ણો, 4 ટકા લોહાણા, વાણીયા, બ્રાહ્મણ, ક્ષત્રીય 2-2-2 ટકા છે. અહી ઠાકોર સમાજનાં  મતદારો મોટી સંખ્યામાં છે. અહીનું મુખ્ય મથક પાલનપુર છે. તો અંબાજી યાત્રાધામ જગવિખ્યાત છે. 2017 વિધાનસભામાં અહીની કુલ 7 સિટમાંથી ભાજપે 2 અને કોંગ્રેસે 5 બેઠકો જીતી હતી. અહી કુલ મતદારોની સંખ્યા 16,31283 છે.

આવો છે બનાસકાંઠા લોકસભા બેઠકનો રાજકીય ઈતિહાસ 

બનાસકાંઠા  લોકસભા બેઠકનાં રાજકીય ગણિતની વાત કરીએ તો  જિલ્લામાં હાલ ભાજપનાં હરિભાઈ ચૌધરી સાંસદ છે. પરંતુ જાતીય સમીકરણો આં જિલ્લામાં હાર જીત પર મહત્વનો ભાગ ભજવે છે. જેમકે વિધાનસભાની 9 બેઠકોમાંથી 5 કોંગ્રેસ તેમજ 3 ભાજપ પાસે છે જયારે 1 અપક્ષ ઉમેદવારની જીત થઈ હતી. લોકસભાની વાત કરીએ તો  આં બેઠક પર 1951, 1957 અને  1962 માં કોંગ્રેસનાં ઉમેદવારોની પણ જીત થઈ છે. 1951 થી 2014 સુધીનાં સમયગાળા દરમિયાન 18 વખત ચૂંટણી યોજાઈ છે. જેમાં 10 વાર કોંગ્રેસની જીત થઈ જયારે 5 વાર ભાજપની જીત થઈ છે. એક વાર જનતાદળનાં ઉમેદવાર પણ ચૂંટાઈ આવ્યા છે. જો કે 1991 બાદ ભાજપનો દબદબો જોવા મળી રહ્યો છે. છેલ્લા બે ટર્મથી હરિભાઈ સાંસદ તરીકે ચૂંટાઈ આવે છે. તે પહેલાં કોંગ્રેસનાં મુકેશ ગઢવીએ પણ સાંસદ તરીકે જીત મેળવી હતી. જિલ્લામાં ચૌધરી પટેલ ઠાકોર, રાજપુત, દરબાર, દેસાઈ, આદિવાસી, મારવાડી, પટેલ, મુસ્લિમ, પ્રજાપતિ, બ્રાહ્મણ દલિત સહિત તમામ સમાજ વસવાટ કરી રહ્યાં છે. પરંતુ બે મોટા સમાજ ચૌધરી પટેલ તેમજ ઠાકોર સમાજનાં મતદારો મોટી સંખ્યામાં છે. એના સિવાય આદિવાસી સમાજનો એક મોટો વર્ગ છે જે હંમેશાં કોંગ્રેસને માનતો આવી રહ્યો છે. અને આં વિસ્તારમાં હમેશા કોંગ્રેસે લીડ મેળવી છે. જ્યારે દલિત વર્ગનાં લોકો ભાજપ કોંગ્રેસ બંને પક્ષમાં માનનારા છે. અને તેમનો પણ જિલ્લામાં ચૂંટણી સમયે એક દબદબો રહ્યો છે. જ્યારે રાજપુત દરબાર, બ્રાહ્મણ  સમાજનાં લોકો પણ લોકસભાની ચૂંટણીમાં મહત્વનો રોલ ભજવી શકે છે. આં બેઠક બે જિલ્લામાં વહેંચાયેલી છે. જેમાં વડગામ તાલુકો તેમજ પાલનપુર તાલુકાનાં અમુક ગામ જે પાટણ લોકસભા વિસ્તારમાં આવે છે. ખુદ હરિભાઈ ચૌધરી જે ભાજપ બનાસકાંઠાનાં સાંસદ છે તેમનું જગાણા ગામ પણ પાટણ લોકસભામાં આવે છે. અને પોતે પાટણ લોકસભામાં મતદાન કરે છે. જિલ્લામાં બનાસકાંઠા બેઠક પર જ્ઞાતિ સમીકરણની જો વાત કરીએ તો જ્ઞાતિ સમીકરણ બંને પક્ષ માટે અણધાર્યું પરિણામ આપી શકે તેવા છે.

બનાસકાંઠા લોકસભા સીટ પર ચૂંટાયેલા સાંસદો

બનાસકાંઠા લોકસભા બેઠક પર આ બે બળીયાઓ વચ્ચે છે ખરાખરીનો જંગ.