મહારાષ્ટ્રમાં કોવિડ-19ના કેસ ઘટીને એક મહિનાના નીચા સ્તરે પહોંચી ગયા હતા. તે જ સમયે, મુંબઈ શહેરમાં સતત બીજા દિવસે 900 થી ઓછા કેસ નોંધાયા હતા. શુક્રવારે રાજ્યમાં 13 હજાર 840 નવા કેસ નોંધાયા હતા, જે 3 જાન્યુઆરી પછીના સૌથી ઓછા કેસ છે. તમને જણાવી દઈએ કે, 3 જાન્યુઆરીએ 12 હજાર 160 કેસ નોંધાયા હતા. જો કે કેસમાં ઘટાડો થયો છે, પરંતુ રાજ્યમાં કોવિડના કારણે મૃત્યુમાં થોડો વધારો થયો છે. શુક્રવારે 81 કોરોના સંક્રમિત મૃત્યુ થયા હતા જ્યારે એક દિવસ પહેલા 75 મૃત્યુ નોંધાયા હતા.
આ પણ વાંચો: આતંકવાદી અબુ બકરની UAEમાં ધરપકડ, સરકાર ભારત લાવવાની તૈયારીમાં…
ત્રીજી લહેર માર્ચ સુધીમાં સમાપ્ત થશે
બીજી તરફ, આરોગ્ય પ્રધાન રાજેશ ટોપેએ શુક્રવારે જણાવ્યું હતું કે, તેઓ અપેક્ષા રાખે છે કે માર્ચના પ્રથમ સપ્તાહની આસપાસ રાજ્યમાં ત્રીજી લહેર પૂર્ણ થઈ જશે. ટોપેએ કહ્યું, “રાજ્યના મોટાભાગના મુખ્ય જિલ્લાઓમાં કેસોમાં ઘટાડો શરૂ થઈ ગયો છે, પરંતુ કેટલાક જિલ્લાઓ એવા છે જે હાલમાં ટોચ પર છે અને તેથી અમારું અનુમાન છે કે, માર્ચની શરૂઆતમાં, ત્રીજી લહેર ઓછી થવાનું શરૂ થશે.
ત્રણ શહેરોમાં 1 હજારથી વધુ કેસ
આરોગ્ય મંત્રાલયના જણાવ્યા અનુસાર, રાજ્યના 3 શહેરોમાં છેલ્લા 24 કલાકમાં કોરોનાનાં નવા 1 હજારથી વધુ કેસ નોંધાયા છે. તેમાંથી પુણેમાં 2126, નાગપુરમાં 1175 અને પિપુમ્પી ચિંચવડમાં 1089 કેસ નોંધાયા છે.
ઉલ્લેખનીય છે કે, રાજ્યમાં અત્યાર સુધીમાં 77 લાખ 82 હજાર 640 લોકો કોરોનાથી સંક્રમિત થયા છે. તેમાંથી 74 લાખ 91 હજાર 759 સ્વસ્થ પણ બન્યા છે. જીવલેણ રોગને કારણે રાજ્યમાં કુલ 1 લાખ 42 હજાર 940 લોકોના મોત થયા છે.
આપને જણાવી દઈએ કે, મહારાષ્ટ્રમાં છેલ્લા 24 કલાકમાં ઓમિક્રોન વેરિઅન્ટનો કોઈ નવો કેસ નોંધાયો નથી.
આ પણ વાંચો:લોકોમાં વિદેશ જવાની ઘેલછા ,એજન્ટે ઘરમાં ઘૂસીને કર્યુ ફાયરિંગ…
આ પણ વાંચો:મુકેશ અંબાણીએ ખરીદી ભારતની સૌથી મોંઘી કાર Rolls-Royce SUV, જાણો કિંમત..
