મહારાષ્ટ્રનાં પુણેમાં એક હોટલમાં ચેક ઇન કરવા માટે પત્નીનાં આધાર કાર્ડનો કથિત રીતે ઉપયોગ કરવા બદલ 41 વર્ષીય પુરુષ અને તેની ગર્લફ્રેન્ડ વિરુદ્ધ કેસ નોંધવામાં આવ્યો છે. એક અધિકારીએ જણાવ્યું કે, મંગળવારે હિંજેવાડી પોલીસ સ્ટેશનમાં બંને વિરુદ્ધ કેસ નોંધવામાં આવ્યો હતો.
આ પણ વાંચો – UP Election / CM યોગીની બેઠક સામે માયાવતીએ ઉતાર્યો આ ખાસ ચહેરો, જાહેર કરી 54 ઉમેદવારોની યાદી
એક અધિકારીએ જણાવ્યું કે, મંગળવારે હિંજેવાડી પોલીસ સ્ટેશનમાં બંને વિરુદ્ધ કેસ નોંધવામાં આવ્યો હતો. પોલીસનાં જણાવ્યા અનુસાર, આ વ્યક્તિ ગુજરાતનો બિઝનેસમેન છે અને તેની પત્ની કંપનીમાં ડિરેક્ટર છે. પોલીસ અધિકારીએ જણાવ્યું કે ફરિયાદીએ તેના પતિની કારમાં જીપીએસ ઉપકરણ લગાવ્યું હતું અને તેને જાણવા મળ્યું કે તે તેની સાથે છેતરપિંડી કરી રહ્યો છે. જે બાદ તેણે પોલીસમાં ફરિયાદ નોંધાવી હતી. અધિકારીએ કહ્યું, “મહિલાએ તેના પતિની SUVમાં જીપીએસ ટ્રેકર લગાવેલું હતું. ગયા વર્ષે નવેમ્બરમાં જ્યારે પતિએ તેને બેંગલુરુમાં તેની બિઝનેસ ટ્રિપ વિશે જણાવ્યું, ત્યારે પત્નીએ તેનું લોકેશન ચેક કર્યું અને જાણવા મળ્યું કે કાર પુણેમાં હતી.” જ્યારે ફરિયાદીએ હોટેલનો સંપર્ક કર્યો, ત્યારે સ્ટાફે તેને કહ્યું કે તે વ્યક્તિએ તેની પત્ની સાથે ચેક-ઇન કર્યું હતું.
આ પણ વાંચો – Cricket / ઈંગ્લેન્ડ ક્રિકેટ ટીમમાં All is not Well, મેનેજિંગ ડિરેક્ટર એશ્લે જાઇલ્સ બાદ હવે ટીમનાં હેડ કોચે આપ્યું રાજીનામું
અધિકારીએ જણાવ્યું કે સીસીટીવી ફૂટેજ તપાસ્યા બાદ મહિલાને ખબર પડી કે તેનો પતિ તેના આધાર કાર્ડનો ઉપયોગ કરીને અન્ય મહિલા સાથે હોટલમાં પ્રવેશ્યો હતો. પોલીસે જણાવ્યું કે આરોપી અને તેની પ્રેમિકા વિરુદ્ધ IPC કલમ 419 (છેતરપિંડી) હેઠળ કેસ નોંધવામાં આવ્યો છે.
