મહારાષ્ટ્રના પૂર્વ સીએમ દેવેન્દ્ર ફડણવીસની પત્ની અમૃતા ફડણવીસે મુંબઈમાં રોડની ખરાબ હાલતને ટ્રાફિક જામનું એક કારણ ગણાવ્યું છે. તેમણે કહ્યું છે કે ટ્રાફિક જામના કારણે લોકો તેમના પરિવારને સમય આપી શકતા નથી. જેના કારણે મુંબઈમાં 3 ટકા છૂટાછેડા થઈ રહ્યા છે.
આ પણ વાંચો :ઉન્નાવમાં BJP ઉમેદવારના કાફલામાં સામેલ કારને લોડરે મારી ટક્કર, 5 ઘાયલ
ANI અનુસાર, બીજેપી નેતા દેવેન્દ્ર ફડણવીસની પત્ની અમૃતા ફડણવીસે કહ્યું છે કે, ‘હું એક સામાન્ય નાગરિક તરીકે આ કહી રહી છું, જ્યારે હું બહાર જાઉં છું ત્યારે મને ખાડા, ટ્રાફિક સહિતની અનેક સમસ્યાઓ દેખાય છે. ટ્રાફિકને કારણે લોકો પોતાના પરિવારને સમય આપી શકતા નથી અને આ કારણે મુંબઈમાં 3% છૂટાછેડા થઈ રહ્યા છે.
હાલમાં જ દેશની સૌથી ધનિક મહાનગર પાલિકા કહેવાતી BMCનું બજેટ રજૂ કરવામાં આવ્યું હતું. આ બજેટમાં કોઈ નવો કર લાદવામાં આવ્યો નથી, પરંતુ BMCએ વિવિધ પ્રોજેક્ટ્સ પૂર્ણ કરવા માટે તેના રિઝર્વ ફંડમાંથી રૂ. 7,756.40 કરોડની લોન લેવાનું નક્કી કર્યું હતું. 45,949.21 કરોડના બજેટમાં જૂની યોજનાઓને પૂર્ણ કરવા પર ભાર મૂકવામાં આવ્યો છે. આ વર્ષનું બજેટ રૂ. 6,850.38 કરોડ અથવા ગયા વર્ષે રજૂ કરાયેલ રૂ. 39,038.83 કરોડના બજેટ કરતાં 17.70 ટકા વધુ છે. શહેરના રસ્તાઓની જાળવણી અને નિર્માણ માટે બજેટમાં 2200 કરોડની જાહેરાત કરવામાં આવી હતી.
નોંધનીય છે કે, આ વર્ષે મુંબઈમાં BMCની ચૂંટણી છે. મુંબઈમાં શહેરના રસ્તાઓ પરના ખાડા એક મોટી સમસ્યા છે. દરમિયાન, અમૃતા ફડણવીસ પોતાના નિવેદનથી મહારાષ્ટ્રની મહા વિકાસ અઘાડી સરકાર પર નિશાન સાધીને રાજકીય સ્વરૂપ લઈ શકે છે.
આ પણ વાંચો :મુકેશ અંબાણીએ ખરીદી ભારતની સૌથી મોંઘી કાર Rolls-Royce SUV, જાણો કિંમત..
આ પણ વાંચો : આતંકવાદી અબુ બકરની UAEમાં ધરપકડ, સરકાર ભારત લાવવાની તૈયારીમાં…
આ પણ વાંચો :પંજાબ અને જમ્મુ-કાશ્મીર સહિત દેશનાં અલગ-અલગ વિસ્તારમાં અનુભવાયા ભૂકંપનાં ઝાંટકા
આ પણ વાંચો :શ્રીનગરમાં સેના અને આતંકીઓ વચ્ચે અથડામણ, એન્કાઉન્ટરમાં 2 આતંકીઓ માર્યા ગયા
