મહારાષ્ટ્રના નાસિકમાં શનિવારે સવારે થયેલા એક દુ:ખદ અકસ્માતમાં 11 લોકોના મોત થયા છે અને 29 લોકો ઘાયલ થયા છે. આ ઘટના નાશિક શહેરની હદમાં બની હતી. નાશિક-ઔરંગાબાદ રૂટ પર નંદુરનાકા પાસે લક્ઝરી બસ કન્ટેનર ટ્રક સાથે અથડાઈ હતી, જેના પગલે બસમાં આગ લાગી હતી. સ્થાનિક લોકોની મદદથી ઘાયલોને બસમાંથી બહાર કાઢીને હોસ્પિટલ લઈ જવામાં આવ્યા હતા.
યવતમાલથી મુંબઈ જઈ રહેલી બસમાં 40થી વધુ લોકો સવાર હતા. અકસ્માત સમયે સ્લિપર બસમાં કેટલાક લોકો સૂતા હતા. બસ આગનો ગોળો બની ગઈ હતી. ઘાયલોને હોસ્પિટલમાં દાખલ કરવામાં આવ્યા છે. ઘાયલોને હોસ્પિટલ લઈ જવા માટે એમ્બ્યુલન્સ, બસો અને અન્ય વાહનોનો ઉપયોગ કરવામાં આવ્યો હતો.
મૃતકોના પરિવારને વળતર તરીકે 5 લાખ રૂપિયા મળશે
મહારાષ્ટ્રના મુખ્યમંત્રી એકનાથ શિંદેએ કહ્યું છે કે અકસ્માતમાં માર્યા ગયેલા લોકોના પરિવારજનોને 5 લાખ રૂપિયાનું વળતર આપવામાં આવશે. ઘાયલોની સારવારનો ખર્ચ રાજ્ય સરકાર ભોગવશે. સીએમએ કહ્યું કે હું લગભગ દોઢ કલાક સુધી અધિકારીઓ સાથે અકસ્માત અંગે વાત કરી. મેં જિલ્લા અધિકારી અને પોલીસ અધિકારી સાથે વાત કરી છે.
અમારી પ્રથમ પ્રાથમિકતા ઘાયલોની સારવાર છે. મેં અધિકારીઓને ઘાયલોની યોગ્ય સારવાર માટે કહ્યું છે. ત્રણ ઘાયલોને ખાનગી હોસ્પિટલમાં દાખલ કરવામાં આવ્યા છે. ગંભીર હાલતમાં ઘાયલોને મોટી હોસ્પિટલમાં દાખલ કરવામાં આવ્યા છે. ઘણા ઘાયલોને સિવિલ હોસ્પિટલમાં દાખલ કરવામાં આવ્યા છે. મેં સિવિલ સર્જન સાથે વાત કરી છે અને ઘાયલોની સારવાર માટે યોગ્ય વ્યવસ્થા કરવાનો નિર્દેશ આપ્યો છે. અકસ્માતના કારણની તપાસ કરીને કાર્યવાહી કરવામાં આવશે.
