Maharashtra News : મહારાષ્ટ્રમાં મુખ્યમંત્રીના નામની જાહેરાત બુધવારે એટલે કે 4 ડિસેમ્બરે કરવામાં આવશે. બીજા દિવસે 5 ડિસેમ્બરે આઝાદ મેદાનમાં શપથ ગ્રહણ સમારોહનું આયોજન કરવામાં આવશે. જેમાં વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ સહિત ભાજપના વરિષ્ઠ નેતાઓ ભાગ લેશે. ભાજપના એક વરિષ્ઠ અધિકારીએ સોમવારે આ માહિતી આપી હતી.મહારાષ્ટ્ર બીજેપીએ માહિતી આપી છે કે 4 ડિસેમ્બરે સવારે 10 વાગ્યે મહારાષ્ટ્ર વિધાન ભવનમાં બીજેપી ધારાસભ્ય દળની બેઠક યોજાશે. બીજી તરફ એનસીપી નેતા અજિત પવાર મુંબઈથી નવી દિલ્હી જવા રવાના થઈ ગયા છે. અહીં તેઓ ભાજપના નેતાઓ સાથે મુલાકાત કરશે.
ભાજપે સોમવારે કેન્દ્રીય નાણાં પ્રધાન નિર્મલા સીતારમણ અને ગુજરાતના ભૂતપૂર્વ મુખ્ય પ્રધાન વિજય રૂપાણીને મહારાષ્ટ્ર વિધાનસભા પક્ષની બેઠક માટે કેન્દ્રીય નિરીક્ષક તરીકે નિયુક્ત કર્યા છે. ભાજપના અધિકારીએ જણાવ્યું કે રૂપાણી અને સીતારમણ બુધવારે મુંબઈમાં ભાજપના ચૂંટાયેલા ધારાસભ્યોને મળશે. આ પછી તમામ ધારાસભ્યો બેઠકમાં પોતાના નેતાની પસંદગી કરશે. બેઠક બાદ પસંદગી પામેલા નેતાનું નામ દિલ્હીમાં વરિષ્ઠ નેતાઓને મોકલવામાં આવશે. આ પછી જ નિરીક્ષકો ભાજપના ધારાસભ્ય દળના નેતાની જાહેરાત કરશે.
બીજા દિવસે 5 ડિસેમ્બરે આ જ નેતા મુખ્યમંત્રી તરીકે શપથ લેશે.ભારતીય જનતા પાર્ટી (BJP) પહેલેથી જ જાહેરાત કરી ચૂકી છે કે નવા મુખ્યમંત્રી 5 ડિસેમ્બરે મુંબઈના આઝાદ મેદાનમાં વડાપ્રધાન નરેન્દ્ર મોદી અને અન્ય નેતાઓની હાજરીમાં શપથ લેશે. પાર્ટીએ હજુ ઔપચારિક રીતે મુખ્યમંત્રીના નામની જાહેરાત કરી નથી. પરંતુ રવિવારે બીજેપીના એક વરિષ્ઠ નેતાએ દાવો કર્યો કે દેવેન્દ્ર ફડણવીસનું નામ સીએમ પદ માટે ફાઈનલ થઈ ગયું છે.
ભાજપે તેના બે સહયોગી પક્ષ શિવસેના અને રાષ્ટ્રવાદી કોંગ્રેસ પાર્ટીને ડેપ્યુટી સીએમ પદ આપવાની ચર્ચા કરી છે. બીજી તરફ મહારાષ્ટ્રના કાર્યવાહક મુખ્યમંત્રી એકનાથ શિંદેએ કહ્યું છે કે તેઓ બીજેપીના મુખ્યમંત્રી બનવામાં કોઈ અડચણ નહીં મૂકે. વિધાનસભા ચૂંટણીમાં મહાયુતિ ગઠબંધનને જંગી બહુમતી મળી છે. શાસક ગઠબંધનને 288માંથી 236 બેઠકો મળી છે. વિપક્ષી ગઠબંધન મહા વિકાસ આઘાડી માત્ર 48 સીટો પર જ ઘટી ગઈ હતી.વિધાનસભા ચૂંટણીમાં ભાજપે સૌથી વધુ 132 બેઠકો જીતી છે. શિવસેના પાસે 57 અને NCP પાસે 41 ધારાસભ્યો છે. વિરોધ પક્ષોમાં, ઉદ્ધવ ઠાકરેની પાર્ટી શિવસેના (યુબીટી) એ સૌથી વધુ 20 બેઠકો જીતી છે. કોંગ્રેસના ઉમેદવારો માત્ર 16 બેઠકો જીતી શક્યા અને NCP (SP) માત્ર 10 બેઠકો જીતી શકી.
આ પણ વાંચો:એકનાથ શિંદે રાજીનામું આપ્યું, ફડણવીસ અને અજિત પવારની હાજરીમાં રાજ્યપાલને પત્ર સુપરત કર્યો
આ પણ વાંચો:મહારાષ્ટ્રમાં સરકારની ફોર્મ્યુલા નક્કી : ફડણવીસ અઢી વર્ષ માટે મુખ્યમંત્રી બનશે, પછી ભાજપ અધ્યક્ષ
આ પણ વાંચો:‘એક દિવસ પાકિસ્તાન પર પણ ફરકશે તિરંગો’:દેવેન્દ્ર ફડણવીસ
