Rajkot News: જેતપુરમાં યોજાયેલા ભાજપ (Jetpur BJP)ના એક કાર્યક્રમ દરમિયાન ધારાસભ્ય મહેન્દ્ર પાડલિયા (Mahendra Padaliya) દ્વારા કરવામાં આવેલ નિવેદન બાદ રાજકીય વાતાવરણ તીવ્ર બન્યું છે. કાર્યક્રમ દરમિયાન પાડલિયાએ કહ્યું હતું કે “કોંગ્રેસ (Congress) પાસે ઉમેદવારો નહોતા, તેથી અમે તેમને ઉમેદવારો આપ્યા”. આ નિવેદન બાદ રાજકારણમાં ભારે ચર્ચા શરૂ થઈ ગઈ છે.

Mahendra Padaliyaનો સોશિયલ મીડિયા પર વીડિયો વાયરલ

આ સમગ્ર ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયો સામે આવતા રાજકીય પક્ષો વચ્ચે આરોપ-પ્રત્યારોપનો સિલસિલો શરૂ થયો છે. પાડલિયાના આ નિવેદનને વિરોધ પક્ષોએ ગંભીરતાથી લીધો છે અને તેની ટીકા કરી છે.

કોંગ્રેસનો કડક પ્રતિકાર

Indian National Congress (કોંગ્રેસ)ના પૂર્વ ધારાસભ્ય લલિત વસોયા (Lalit Vasoya)એ પાડલિયા (Mahendra Padaliya) પર નિશાન સાધ્યું છે. વસોયાએ જણાવ્યું કે, “આ પ્રકારનું નિવેદન આપવું એ માનસિક અસ્થિરતાનું પ્રતિબિંબ છે”. તેમણે વધુમાં માંગણી કરી કે ભાજપે પોતાના ધારાસભ્યના નિવેદન પર યોગ્ય કાર્યવાહી કરવી જોઈએ.

AAPને લઇને નવી ચર્ચા

વસોયાએ વધુમાં કહ્યું કે ભાજપે કોંગ્રેસને નહીં પરંતુ Aam Aadmi Party (AAP)ને ઉમેદવારો આપ્યા હોવાનો આરોપ લગાવ્યો છે. આ સાથે તેમણે કહ્યું કે આવા નિવેદનો માત્ર મતદારોનું ધ્યાન ભટકાવવા માટે કરવામાં આવે છે.

Jetpur BJP: રાજકીય તાપમાનમાં વધારો

આ સમગ્ર ઘટનાને કારણે રાજ્યની રાજનીતિમાં તાપમાન વધ્યું છે. એક તરફ ભાજપ (BJP) પોતાના ધારાસભ્યના નિવેદનને લઈ દબાણમાં છે, તો બીજી તરફ વિરોધ પક્ષો આ મુદ્દાને લઈને સરકારને ઘેરવાની તૈયારીમાં છે.આગામી દિવસોમાં ભાજપ આ મુદ્દે શું પગલા લે છે અને આ વિવાદ ક્યાં સુધી પહોંચે છે તે જોવું મહત્વપૂર્ણ રહેશે.

આ પણ વાંચો:વિરમગામ ભાજપમાં ભડકોઃ યુવા નેતા જયેશભાઈ જાદવનું પક્ષમાંથી રાજીનામુ

આ પણ વાંચો:સ્થાનિક સ્વરાજ્યની ચૂંટણીઃ ભરૂચમાં સ્થાનિકો સાથે ચા-નાસ્તાની મજા માણતા નાયબ મુખ્યમંત્રી હર્ષ સંઘવી

આ પણ વાંચો:અમદાવાદમાં ભાજપે 48 વોર્ડના કુલ 192 ઉમેદવાર જાહેર કર્યા