ઉત્તર પ્રદેશની રાજધાની લખનઉમાં ભાજપના સાંસદ અને કેન્દ્રીય મંત્રી કૌશલ કિશોરના પુત્ર વિકાસ કિશોરના ઘરે યુવકની હત્યાના મામલામાં મોટી કાર્યવાહી કરવામાં આવી છે. પોલીસે સાંસદના પુત્ર વિરુદ્ધ FIR નોંધી છે. કહેવામાં આવ્યું છે કે વિકાસ કિશોરની પિસ્તોલનું લાઇસન્સ પણ રદ કરવામાં આવશે. જોકે આ એફઆઈઆર આર્મ્સ એક્ટ હેઠળ નોંધવામાં આવી છે.
વિકાસ કિશોર દિલ્હીમાં હતો
પ્રાપ્ત માહિતી અનુસાર, લખનઉમાં કેન્દ્રીય મંત્રી કૌશલ કિશોરના પુત્રના ઘરે વિનય શ્રીવાસ્તવની ગોળી મારીને હત્યા કરવામાં આવી હતી. જોકે, તે સમયે વિકાસ તેની માતાને દિલ્હીમાં દાખલ કરાવવા ગયો હતો. બીજી તરફ સાંસદ કૌશલ કિશોર માહિતી મળતા જ ઘટનાસ્થળે પહોંચી ગયા હતા. તેમણે આ અંગે પોલીસને જાણ કરી હતી. પોલીસે મૃતદેહનો કબજો લઈ પોસ્ટમોર્ટમ માટે મોકલી આપી તપાસ શરૂ કરી છે.
આ કલમ હેઠળ કેસ નોંધાયો
આ મામલે મળતી માહિતી અનુસાર, લખનઉ પોલીસે સાંસદના પુત્ર વિકાસ કિશોર વિરુદ્ધ આર્મ્સ એક્ટ હેઠળ કેસ નોંધ્યો છે. એક મીડિયા રિપોર્ટમાં કહેવામાં આવ્યું છે કે જો હત્યાની તપાસ દરમિયાન કોઈ પુરાવા મળશે તો વિકાસનું નામ પણ હત્યા કેસમાં સામે આવી શકે છે. સાંસદના પુત્ર વિરુદ્ધ આર્મ્સ એક્ટ હેઠળ કેસ નોંધવામાં આવ્યો છે કારણ કે હત્યામાં વપરાયેલી પિસ્તોલ વિકાસની હતી.
કેન્દ્રીય મંત્રીના પુત્રના ઘરે છ લોકો હતા
આપને જણાવી દઈએ કે ગુરુવારે રાત્રે લખનઉના દુબગ્ગા સ્થિત કેન્દ્રીય મંત્રી કૌશલ કિશોરના પુત્રના ઘરે વિનય શ્રીવાસ્તવ સહિત છ લોકો હાજર હતા. તપાસમાં બહાર આવ્યું છે કે તમામ લોકો રાત્રે ઘરમાં જુગાર રમતા હતા. દરમિયાન ફરી જુગાર રમવા બાબતે ઝઘડો થયો હતો અને એક આરોપીએ વિકાસની પિસ્તોલ વડે વિનયને ગોળી મારી દીધી હતી.
આ પણ વાંચો: Shukrayaan-1/ ‘ISRO’ વધુ એક સફળતાનો ઈતિહાસ લખવાની તૈયારીમાં, જાણો શું છે મિશન “શુક્રયાન-1”
આ પણ વાંચો: દિલ્હી ફરી શર્મસાર/ 28 વર્ષના યુવકે હેવાનિયતની હદ વટાવી, 85 વર્ષીય વૃદ્ધ મહિલાને બનાવી હવસનો શિકાર
આ પણ વાંચો: IPhone લવર્સ માટે ખુશીના સમાચાર/ સસ્તામાં “IPhone 13” ખરીદવાની શાનદાર તક…!
