Sports News : ભારતીય ક્રિકેટમાં નિવૃત્તિ બાદ પણ પૂર્વ ખેલાડીઓ (cricketer)નું સન્માન અને આર્થિક સુરક્ષા જળવાઈ રહે તે માટે ભારતીય ક્રિકેટ કંટ્રોલ બોર્ડ (BCCI) દ્વારા વિશેષ પેન્શન યોજના ચલાવવામાં આવે છે. દેશ માટે લાંબા સમય સુધી આંતરરાષ્ટ્રીય ક્રિકેટ રમનારા દિગ્ગજોને દર મહિને એક નિશ્ચિત રકમ પેન્શન તરીકે ચૂકવવામાં આવે છે.
તાજેતરમાં જ રોહિત શર્મા અને વિરાટ કોહલીની નિવૃત્તિ અંગેની ચર્ચાએ જોર પકડ્યું છે, જે અંતર્ગત ઈંગ્લેન્ડ સામેની તાજેતરની વનડે શ્રેણીમાં રોહિત શર્માએ શાનદાર 138 રન અને વિરાટ કોહલીએ 74 રન બનાવ્યા હતા. આ સંજોગોમાં ચાહકોમાં એ જાણવાની તીવ્ર ઉત્સુકતા છે કે સચિન તેંડુલકર, વીરેન્દ્ર સેહવાગ કે સૌરવ ગાંગુલીમાંથી નિવૃત્તિ બાદ કોને સૌથી વધુ પેન્શન મળે છે અને ભવિષ્યમાં રોહિત-વિરાટને કેટલી રકમ મળશે.
BCCI ની પેન્શન સ્કીમનો ઇતિહાસ અને નિયમો
BCCI એ પૂર્વ ક્રિકેટરોના ક્રિકેટમાં આપેલા યોગદાનને બિરદાવવા માટે વર્ષ 2004 માં આ પેન્શન યોજનાની શરૂઆત કરી હતી. પ્રથમ સમયે નિવૃત્ત ટેસ્ટ ક્રિકેટરો અને અમ્પાયરોને દર મહિને રૂ. 5000 નું પેન્શન આપવામાં આવતું હતું.બોર્ડે વર્ષ 2012 માં નવી નીતિ લાગુ કરી, જેમાં ખેલાડીઓએ રમેલી ટેસ્ટ મેચોની સંખ્યાના આધારે અલગ-અલગ પેન્શન સ્લેબ બનાવવામાં આવ્યા.વર્ષ 2022 માં તત્કાલીન BCCI અધ્યક્ષ સૌરવ ગાંગુલીના કાર્યકાળ દરમિયાન પેન્શનની રકમમાં મોટો વધારો કરવામાં આવ્યો હતો, જેનાથી તમામ પૂર્વ ખેલાડીઓને મળતા લાભોમાં વધારો થયો.
સચિન, સેહવાગ અને ગાંગુલી: કોને મળે છે સૌથી વધુ પેન્શન?
આ સવાલનો સ્પષ્ટ જવાબ એ છે કે સચિન તેંડુલકર, વીરેન્દ્ર સેહવાગ અને સૌરવ ગાંગુલી ત્રણેયને એકસરખું જ પેન્શન મળે છે.BCCI ની સિસ્ટમ મુજબ કોઈ ચોક્કસ ખેલાડીના નામના આધારે નહીં પરંતુ તેણે રમેલી મેચોના સ્લેબ મુજબ પેન્શન નક્કી થાય છે. આ ત્રણેય દિગ્ગજો બોર્ડની સર્વોચ્ચ પેન્શન શ્રેણીમાં આવે છે.
માસિક પેન્શન
સુનીલ ગાવસ્કર અને કપિલ દેવ જેવા અન્ય મહાન ખેલાડીઓ પણ આ જ રૂ. 70,000 વાળી ટોપ કેટેગરીમાં સામેલ છે.
રોહિત શર્મા અને વિરાટ કોહલીને નિવૃત્તિ બાદ કેટલું પેન્શન મળશે?
BCCI ના મંજૂર થયેલા નિયમો અનુસાર, જે ખેલાડીએ 25 કે તેથી વધુ ટેસ્ટ મેચોમાં ભારતનું પ્રતિનિધિત્વ કર્યું હોય, તે પૂર્વ ખેલાડી બોર્ડની સર્વોચ્ચ પેન્શન કેટેગરી માટે પાત્ર ઠરે છે. નિવૃત્તિ બાદ રોહિત શર્મા અને વિરાટ કોહલી બંનેને પણ અન્ય દિગ્ગજોની જેમ દર મહિને રૂ. 70,000 નું પેન્શન મળવાની પૂરી શક્યતા છે.
આ પણ વાંચો : જોસ બટલરે રચ્યો ઇતિહાસ, T20 ક્રિકેટમાં સૌથી વધુ રન બનાવનાર બેટ્સમેન બન્યા
આ પણ વાંચો : ODI World Cup 2027 Qualifier ની તારીખો જાહેર, વેસ્ટ ઈન્ડિઝની સીધી ક્વોલિફિકેશન પર સૌની નજર
આ પણ વાંચો : ગ્લાસગોથી ગુજરાત સુધી CWG ફ્લેગનું ગૌરવપૂર્ણ આગમન, હવે અમદાવાદ કોમનવેલ્થ ગેમ્સ 2030 તરફ દેશની નજર
