મુંબઈમાં બાંદ્રા-વરલી સી લિંક પરના ટોલ પ્લાઝા પર એક ઝડપી કારે છ વાહનોને ટક્કર મારી હતી. આ અકસ્માતમાં ત્રણ લોકોના મોતના સમાચાર છે. અનેક લોકો ઘાયલ થયા છે. પોલીસ દ્વારા આપવામાં આવેલી માહિતી અનુસાર, ગુરુવારે રાત્રે 10.00 વાગ્યે સી લિંક પર ટોલ પ્લાઝાથી માત્ર 100 મીટર પહેલા આ અથડામણ થઈ હતી. રાત્રે બાંદ્રા તરફ જઈ રહેલી એક હાઈસ્પીડ કાર અનેક વાહનો સાથે અથડાઈ હતી અને નુકસાન થયું હતું. પ્રારંભિક ટક્કર બાદ કારની સ્પીડ વધી ગઈ હતી અને તે પ્લાઝા પર પાર્ક કરાયેલા અન્ય વાહનો સાથે અથડાઈ હતી.
ગુરુવારે રાત્રે લગભગ 10.15 વાગ્યે એક ઈનોવા વાહન વરલીથી બાંદ્રા તરફ ઉત્તર તરફ જઈ રહ્યું હતું. ત્યારે ટોલ પ્લાઝાથી લગભગ 100 મીટરના અંતરે અનેક વાહનો સાથે અથડાઈ હતી. સી-લિંક પર મર્સિડીઝ કારને ટક્કર માર્યા બાદ તેમણે તેની સ્પીડ વધારી અને ઝડપથી ભાગી જવાના પ્રયાસમાં તેણે અન્ય કેટલાક વાહનોને પણ ટક્કર મારી હતી.
ઈનોવા કારમાં ડ્રાઇવર સહિત સાત લોકો બેઠા હતા. આ સમગ્ર ઘટનામાં મર્સિડીઝ અને અથડાતા ઈનોવા સહિત કુલ 6 વાહનો અકસ્માતનો ભોગ બન્યા હતા. 9 લોકો ઘાયલ થયા છે જેમાંથી ત્રણની હાલત ગંભીર છે. ત્રણેય લોકોના મોત થયા છે, જેમાં બે મહિલા અને એક પુરુષનો સમાવેશ થાય છે. બાકીના છ લોકોની સારવાર ચાલી રહી છે, જેમાંથી બેની હાલત હજુ પણ ગંભીર છે. બંનેને લીલાવતી હોસ્પિટલમાં રિફર કરવામાં આવ્યા છે. બાકીની ભાભા હોસ્પિટલમાં સારવાર ચાલી રહી છે.
આ પણ વાંચો: ધનતેરસ પર સોનું ખરીદવા માટે 2 કલાક 56 મિનિટ સૌથી શુભ, જાણો ખરીદી ક્યારે શરૂ કરવી
આ પણ વાંચો: અમેરિકાના રાષ્ટ્રપતિ બિડેને કહ્યું ઇઝરાયેલે 3 દિવસ માટે યુદ્વ રોકવું જોઇએ!
આ પણ વાંચો: માંગરોળમાં 50 હજારની લાંચ લેતા PSI ઝડપાયો
