Mamata Banerjee Convoy Attacked in Halisahar West Bengal:  પશ્ચિમ બંગાળના ઉત્તર 24 પરગણા જિલ્લાના હલિશહરમાં પૂર્વ મુખ્યમંત્રી મમતા બેનર્જીના કાફલાને લઈને તણાવપૂર્ણ સ્થિતિ સર્જાઈ હતી. મમતા બેનર્જી એક મૃત TMC કાર્યકરના પરિવારને મળવા જઈ રહ્યા હતા ત્યારે રસ્તામાં મોટી સંખ્યામાં લોકોના વિરોધનો સામનો કરવો પડ્યો હતો.

મળતી માહિતી મુજબ, મમતા બેનર્જીનો કાફલો હલિશહર વિસ્તારમાં પહોંચ્યો ત્યારે વિરોધ કરી રહેલા લોકોએ રસ્તો રોકી દીધો હતો. ત્યારબાદ કેટલાક લોકો મમતા બેનર્જીની કારની આસપાસ એકઠા થઈ ગયા હતા.

કાર પર કાદવ, પાણીની બોટલો અને ચપ્પલ ફેંકાયા

વિરોધ દરમિયાન ભીડમાંથી કેટલાક લોકોએ મમતા બેનર્જીની કાર પર કાદવ ફેંક્યો હોવાનો દાવો કરવામાં આવ્યો છે. સાથે જ પાણીની બોટલો, જૂતાં અને ચપ્પલ પણ ફેંકવામાં આવ્યા હતા. આ દરમિયાન મમતા બેનર્જી વિરુદ્ધ ઉગ્ર સૂત્રોચ્ચાર કરવામાં આવ્યા હતા. પરિસ્થિતિ વણસતી જોઈને પોલીસ અને સુરક્ષા કર્મચારીઓએ તરત જ સુરક્ષા ઘેરો બનાવી કાફલાને ત્યાંથી બહાર કાઢ્યો હતો.

Mamata Banerjee એ શું કહ્યું?

ઘટના બાદ મમતા બેનર્જીએ(Mamata Banerjee) પોતાના કાફલા પર થયેલી ઘટનાને ગંભીર ગણાવી હતી. તેમણે દાવો કર્યો હતો કે પોલીસની હાજરીમાં કેટલાક લોકોએ તેમની કાર પર મોટા પથ્થરો ફેંક્યા હતા. મમતા બેનર્જીના જણાવ્યા પ્રમાણે, જો કારની બારીઓ ખુલ્લી હોત તો ગંભીર ઈજા થઈ શકતી હતી. તેમણે ઘટનાને લઈને રાજ્યની કાયદો-વ્યવસ્થા અને પોલીસની કામગીરી પર પણ સવાલો ઉઠાવ્યા હતા.

મૃત TMC કાર્યકરના મોત બાદ વિરોધ

આ સમગ્ર વિવાદનું કારણ એક TMC કાર્યકરના કસ્ટડીમાં થયેલા શંકાસ્પદ મોત સાથે જોડાયેલું હોવાનું જણાવવામાં આવી રહ્યું છે. મૃતકના પરિવાર તરફથી પોલીસ પર ગંભીર આક્ષેપો કરવામાં આવ્યા છે. પરિવારનો દાવો છે કે પોલીસ કસ્ટડી દરમિયાન થયેલી કથિત મારપીટના કારણે વ્યક્તિનું મોત થયું હતું. જોકે, આ આરોપોની સત્તાવાર તપાસ અને તેના અંતિમ તારણની રાહ જોવી જરૂરી છે.

આ ઘટનાના પગલે સ્થાનિક વિસ્તારમાં પોલીસ વિરુદ્ધ પણ નારાજગી જોવા મળી હતી. મમતા બેનર્જી(Mamata Banerjee) મૃતકના પરિવારને મળવા પહોંચ્યા ત્યારે આ વિરોધ વધુ ઉગ્ર બન્યો હતો. હાલ પોલીસે સમગ્ર ઘટનાની તપાસ શરૂ કરી છે. કાફલા પર હુમલો કરનાર લોકોની ઓળખ અને ઘટનાની પાછળના કારણો અંગે પણ તપાસ ચાલી રહી છે. ઘટનાને કારણે હલિશહરમાં રાજકીય વાતાવરણ ગરમાયું છે.

આ પણ વાંચો:મમતા બેનર્જીની વધી ટેન્શન! TMCના 625 કરોડનું ફંડ ફ્રીઝ કરવા અરૂપ બિસ્વાસની માંગ

આ પણ વાંચો: ધારાસભ્યો પછી મમતા બેનર્જીના 20 લોકસભા સાંસદોનો બળવો, ભાજપ-NDAને આપશે સમર્થન

આ પણ વાંચો:મમતા બેનર્જીના કિલ્લામાં ભંગાણ, વરિષ્ઠ સાંસદ કલ્યાણ બેનર્જીએ ભત્રીજા અભિષેક સામે પોકાર્યો બળવો