Crisis in Ukhrul Manipur: મણિપુરમાં વંશીય હિંસાનો વંટોળ શમવાનું નામ નથી લઈ રહ્યો. અત્યાર સુધી મૈતેઈ અને કુકી સમુદાયો વચ્ચે સંઘર્ષ ચાલતો હતો, પરંતુ હવે ઉખરુલ જિલ્લામાં નાગા અને કુકી સમુદાયો વચ્ચે હિંસા ફાટી નીકળી છે. શુક્રવારે થયેલી બે અલગ-અલગ ગોળીબારની ઘટનાઓમાં ત્રણ યુવકોના મોત નિપજ્યા છે, જેના કારણે સમગ્ર રાજ્યમાં ફરી એકવાર તણાવ વ્યાપી ગયો છે.

વહેલી સવારે લોહીયાળ અથડામણ

ઉખરુલ જિલ્લાના સીનાકેઈથેઈ ગામ પાસે તાંગખુલ નાગા અને કુકી સમુદાયના સશસ્ત્ર જૂથો સામસામે આવી ગયા હતા. વહેલી સવારે થયેલા આ ભીષણ ગોળીબારમાં 29 વર્ષીય તાંગખુલ યુવક હોરશોકમી જમાંગનું મોત થયું છે, જ્યારે અન્ય ત્રણ નાગરિકો ગંભીર રીતે ઘાયલ થયા છે.

Manipur ના મુલ્લમ ગામમાં હુમલો અને આગચંપી

આ હિંસાની આગ મુલ્લમ ગામ સુધી પણ પહોંચી હતી. કુકી બહુલ વિસ્તાર એવા મુલ્લમ ગામમાં થયેલા ગોળીબારમાં વધુ બે કુકી યુવકો, લેતલાલ સિતલ્હો અને પાઓમિનલુન હાઓલાઓ, જીવ ગુમાવ્યા છે. કુકી ઓર્ગેનાઈઝેશનનો દાવો છે કે ઉગ્રવાદીઓએ મુલ્લમ અને સોંગફાલ ગામોમાં અનેક ઘરોને આગ ચાંપી દીધી છે, જેનાથી ભયનું વાતાવરણ સર્જાયું છે.

અવિશ્વાસ અને આક્ષેપોનો દોર

બંને સમુદાયો (Manipur) એકબીજા પર હુમલાના આક્ષેપો કરી રહ્યા છે:

નાગા સંગઠન (TNL): તેમનો આરોપ છે કે કુકી ઉગ્રવાદીઓએ નાગા વિલેજ ગાર્ડ પર ઘાત લગાવીને હુમલો કર્યો હતો.

મુલ્લમ ગ્રામ સત્તામંડળ: તેમનો દાવો છે કે તાંગખુલ ઉગ્રવાદીઓએ સવારે 5:30 વાગ્યે ગામ પર હુમલો કરીને હિંસા ભડકાવી હતી.

ફેબ્રુઆરી 2026 થી આ વિસ્તારમાં અવિશ્વાસની ખાઈ વધી રહી છે, જે હવે લોહીયાળ (Manipur) સંઘર્ષમાં ફેરવાઈ છે.

સુરક્ષા છાવણીમાં ફેરવાયો વિસ્તાર

પરિસ્થિતિને કાબૂમાં લેવા માટે ઉખરુલમાં વધારાના સુરક્ષા દળો તૈનાત કરવામાં આવ્યા છે. પોલીસ અને જિલ્લા વહીવટીતંત્ર સતત પેટ્રોલિંગ કરી રહ્યું છે. મણિપુરમાં (Manipur) જે પ્રકારે એક પછી એક સમુદાયો હિંસામાં જોડાઈ રહ્યા છે, તે કેન્દ્ર અને રાજ્ય સરકાર માટે મોટો પડકાર બની ગયો છે.

આ પણ વાંચો:મણિપુરમાં ફરી હિંસા ભડકી ઉઠતા એકનું મોત, 27 ઘાયલ, ઇમ્ફાલ-દિમાપુર હાઇવે પરના વિસ્તારોમાં કર્ફ્યુ

 આ પણ વાંચો:મણિપુર શાંતિના માર્ગે : વધુ પાંચ જિલ્લામાં બળવાખોરોએ હથિયારો મૂક્યા

આ પણ વાંચો: મણિપુરમાં ફરી હિંસાનો વિસ્ફોટ! ઉખરુલમાં 30 ઘરોને આગ ચાંપી, 5 દિવસ ઇન્ટરનેટ બંધ